2020 сылга туох күүтэрий?

2020 сыл илиҥҥи халандаарынан – күтэр сыла. Кэлэр сылга туох күүтэрин, туох улахан уларыйыы тахсыан сөбүн туһунан фэншуй, Бацзы – илиҥҥи астрология специалиһа, нумеролог Мария Аянитова кэпсиир.

Хонуу күтэрэ

          Үүнэр сыл чаҕылхай буолуо. Элбэх сырыы, хамсааһын күүтэр. Тапталлааххын кытта сыһыаҥҥар барыта этэҥҥэ. Тэрилтэни, бас-көс дьону кытта мөккүөрдээх түгэн, быһаарсыы үөскүөн сөп. Ол эрээри, сымса, сытыы өйдөөх буолаҥҥын бу түгэни аһарар кыахтааххын. 2020 сылга харчы барыыгын, ону таһынан үп мунньунар кыахтааххын. Харчы барарын тутума, оччоҕуна харчы энергията сүтүө. Ортотук сырыт, оччоҕуна харчы кыаҕа күүһүрүө. Төрөөбүт сылын 0 уонна 2 сыыппаранан бүтэр буоллаҕына бүөрү, кулгааҕы, хабаҕы, ууһуур уорганы харыстаа.

2020 сылга ситиһиини тардыы:  дьиэҥ хоту өттүгэр кыһыл чүмэчитэ уур.

Оҕус

 

Олус сиэдэрэй сыл! Харчылаһарга кыах көстүө, туораттан көмө кэлиэ. Доруобуйаҥ туруга этэҥҥэ. 2020 сыл хаһаайына күтэр оҕуһу кытта доҕордуулар, ол иһин бу сыл эйиэхэ эмиэ үтүө сыһыаннаах. Үлэлииргин-хамсыыргын тохтотума. Былааҥҥар дьоһун бырайыактаах буоллаххына, олоххо киллэрэргэр тоҕоостоох кэм үүннэ. Ол эрээри, киэбирэр, өһөс майгыгын умун. Туора дьон санаатын истэ үөрэн, «бэйэм барытын билэбин» диэн толкуйдаама.

2020 сылга ситиһиини тардыы: дьиэҥ хотугулуу-илин өттүгэр көмүс, маҥан өҥү элбэт.

 

Баабыр

                 Эрчимнээх буол. Бэйэҥ бэйэҕэр олоххо тапталы уһугуннар. Үҥкүүнэн дьарыктан, үчүгэй кэнсиэргэ, семинарга сырыт. Өйү-санааны байыт, үгүс үтүөнү оҥор. Сонуннары, санаарҕабыллаах киинэлэри көрүмэ. Куруук үчүгэйи, кэрэни ыралан. Эн тускунан хоп-сип тарҕаныан сөп, онон сэрэхтээх буол. Тус бэйэҥ кими да улаханнык саҥарыма, дьон туһунан хоп-сип тарҕатыма. Табыллыы, ситиһии күүтэр.

2020 сылга ситиһиини тардыы: дьиэҥ хотугулуу-илин өттүгэр көмүс киэргэли уур.

 

Хоруолук

            Судургута суох сыл. Күтэр уонна бэһис сулус сабыдыалыгар киирэҕин, ол аата аҕам саастаах дьону кытта иирсээн тахсыан сөп. Доруобуйаҥ туругар болҕомтоҕун уур. 2020 сыл этэҥҥэ ааһарыгар иирсээҥҥэ кыттыһыма, аскын көрүн, сөптөөхтүк сынньан.

2020 сылга ситиһиини тардыы: дьиэҥ илин өттүгэр уу өҥүн уур (хара, халлаан күөҕэ, күөх).

 

Дракон

            Ураты сыл күүтэр. Эрчимнээххин, амбициялааххын. Тулаҕар хамаанда түмүөххүн сөп. Бэйэҥ санааҕын үллэһин. «Туһалаах» дьону кытта алтыс, сибээстэ олохтоо. 2020 сылга бардам күүскүн-уоххун туттун. Туохха да ыксаама, ыгылыйыма. Энергияҕын туох эрэ саҥаны айарга анаа. Бириэмэни халтайга ыытыма, оччоҕуна эрэ үүнэр сыл ситиһиилээх буолар.

2020 сылга ситиһиини тардыы: дьиэҥ соҕуруулуу-илин өттүгэр уулаах иһиттэ уур.

 

Моҕой

            Үүнэр сылга бэйэҥ майгыгын кыана тутун. Киитэрэй майгыҥ онно көмөлөһүөхтээх. Толкуйдаабытыҥ туоларын туһугар үчүгэйдик былааннаа. Бу сылга төрүөх тупсар. Үгүс моҕойдорго төрөппүт инстинэ уһуктуо. Оҕолорго болҕомтото уур, дьиэ кыылын иитэ ыл.

2020 сылга ситиһиини тардыы: дьиэ соҕуруулуу-илин муннугар сымыыттаах уйа ойуутун уур.

 

Ат

            Олоххор уларыйыы күүтэр, бигэтэ суох турук үөскүөн сөп. Маннык буолбатын туһугар элбэхтик хамсан, үлэлээ, спордунан дьарыктан. Авантюраҕа киирэн биэримэ. Өскөтүн төрөөбүт сылыҥ түөрт уонна алта сыыппаранан бүтэр буоллаҕына доруобуйаҥ туругун көрүн, ордук хараххар, сүрэххэр, тымыргар, ньиэрбинэй системэҕэр болҕомтолоох буол.

2020 сылга ситиһиини тардыы: дьиэҥ соҕуруу муннугар тимир маллары уур.

 

Коза

            Үүнэргэ, сайдарга тоҕоостоох бириэмэ! Сыалгын ситиһэр туһуттан дьаныардаах буоларын наада. Ханнык баҕар эйгэҕэ кыайыы эн диэки, ол эрээри күүс наада. Күүскүн-уоххун туһата суох дьыалаҕа бараатаххына куруук саарбахтыыр, мунаарар буолаҕын, ол иһин болҕомтоҕун биир дьыалаҕа анаа. 2020 сылга тупсуоҥ, дьон болҕомтотугар киириэн. Сулумах сылдьааччылар сүрэххит аҥарын көрсүөххүтүн сөп, эбэтэр тапталлааххын кытта сыһыанын тупсуо.

2020 сылга ситиһиини тардыы: тапталгын көрсүөххүн баҕарар буоллаххына: соҕуруулуу-арҕаа икки чыычааҕы, үлэҕэ-үөрэххэ ситиһиигэ: бөрүө уурарыҥ наада.

 

Эбисийээнэ

            Таһаарыылаах сыл күүтэр. Харчылаһарга табыгастаах кэм. Тас дойдуга сылдьаргын элбэт. Биир сиргэ олорума. Хорсун санаалаах буоллаххына: саллар, куттанар мэһэйгин киэр гын. Холобур, үөһэттэн куттанар буоллаххына, парашюттаах ыстан. Куттанар мэһэйгиттэн босхолонноххуна аан дойду үтүө бэлэх оҥоруоҕа.

2020 сылга ситиһиини тардыы: хотугулуу-арҕаа аан дойду каартатын иил.

 

Бөтүүк

            Элбэҕи эрэннэрэр сыл. Сүүрэҕин-көтөҕүн эрээри, дьон эн сыраҕын өйдөөн көрбөт курдук сананаҕын. Маннык толкуйдууруҥ сыыһа, дьон эн «улахан куоласкар» буолбакка, бэйэҕэр итэҕэлгэр болҕомтотун уурар. Бэйэҕин туора дьону кытта тэҥнээмэ.

2020 сылга ситиһиини тардыы: дьиэ арҕаа муннугар тыыннаах сибэккини, биитэр сибэкки уруһуйун уур.

 

Ыт

Бу сылга бэйэҕин хоруол курдук сананыаҥ. Эйиигиттэн тутулуктаах, мөлтөх дьоҥҥо үтүө, дэлэй сыһыаннаах буол, оччоҕуна кинилэртэн үгүс көмө кэлиэҕэ. Байарга-тайарга үгүс кыах көстөр.

2020 сылга ситиһиини тардыы: дьиэ хотугулуу-арҕаа өттүгэр бүтэр уһуга суох бэлиэтин уруһуйдаа.

 

Тороху

 

Тугунан дьарыктанаҕын да, онтон дуоһуйууну ылаҕын. Билигин буола турартан дуоһуйа үөрэн, оччоҕуна көҥүллүк сананыаҥ. Элбэхтэ үлэлээ, хамсан. Бириэмэни харыстыы, аттара, туһалаахтык атаара үөрэн. Спордунан, чуолаан чэпчэки атлетиканан дьарыктан.

2020 сылга ситиһиини тардыы: дьиэ хотугулуу-арҕаа муннугар кыһыл өҥнө эп.

 

 

 

Добавить комментарий

Ваш адрес email не будет опубликован. Обязательные поля помечены *