Аламай таас

                     Екатерина Суханова оҕуруонан дьарыктаммыта уонча сыл буолла. Бу үлүһүйүүтэ кини сурунаалга оҕуруо киэргэли кэтэн турар кыыс хаартыскатын сэргии көрүөҕүттэн саҕаламмыта. Хас биирдии оҥоһугун умсугуйан туран оҥорор буолан кини киэргэллэрэ сиэдэрэйдэр, кэрэлэр. Быйыл «Бичик» кинигэ кыһатыгар «Оҕуруо алыба» диэн оҕуруонан иис ньыматыгар  маҥнайгы үөрэтэр кинигэтэ таҕыста. Ол кинигэттэн кырыыламмыт алмаас тааһы санатар үчүгэйкээн түөскэ анньынар киэргэл оҥоһуутун таһаарабыт.    

 

 

Туттуллар матырыйааллар:

Маҥан фетр — 5х5 см;

Араас кээмэйдээх оҕуруолар, таастар, стразалар;

Үрүҥ көмүс өҥнөөх кытаанах канитель (металлическай синньигэс сап);

0,12 № мононит;

Сымнаҕас искусственнай тирии лоскуйа 5х5 см.

 

Туттуллар тэриллэр:

Сытыы уһуктаах кыра кыптыый;

Оҕуруо тиһэргэ синньигэс 10,11 №-дээх иннэлэр;

Биир тимир булавка;

Харандаас;

Кумааҕы;

«Момент» дьэҥкир килиэй.

  1. Кумааҕыга брошь барылын оҥор. Ол кэннэ фетрга түһэр.
  2. Канители уруһуй устун мононить сабынан 2-3-түү мм тэйэ-тэйэ иҥиннэрэн тик.
  3. Брошь иһинээҕи өттүн араас оҕуруоларынан, таастарынан, стразаларынан биир-биир иҥиннэр.
  4. Брошкаҕа тэҥнээн тирии лоскуйун быс. Кыра кыптыый көмөтүнэн хайаҕас оҥорон булавканы тириигэ иил.
  5. Брошь кэннигэр тирии лоскуйун сыһыар, ордугун кырый
  6. Брошь кытыытын 10 нүөмэрдээх оҕуруоран киэргэтэн тис.

Добавить комментарий

Ваш адрес email не будет опубликован. Обязательные поля помечены *