Аммалар кураан күннэргэ күүскэ оттоотулар

Аммаҕа нэдиэлэ устата оттооһун хаамыыта биллэрдик эбилиннэ. Кураан күннэр отчуттарга былааны толорууга төһүү буоллулар. 


Аммаҕа оттооһун хаамыыта ардахтар түһэннэр арыый да бытаарбыт эбит буоллаҕына, ааспыт нэдиэлэҕэ үгүс сиргэ кураан күннэр тураннар, отчуттар күүскэ түһүннүлэр. Ол курдук ааспыт нэдиэлэҕэ былаан 30 бырыһыантан тахса этэ. Онтон  атырдьах ыйын 12 күнүн туругунан 19124 тонна от бэлэмнэниллэн, былаан 56,1 бырыһыаҥҥа тэҥнэстэ. Ааспыт сыл бу кэмигэр 58,5 бырыһыан этэ. Онон оттооһун тэтимэ улаатан, тириэрдиллибит сорук аҥаарын аһардыбыт.


Быйылгы сылга Амма улууһа 31346 тонна оту оттуохтаах.  Бүгүҥҥү күҥҥэ ходуһаҕа 827 техника, 168 механизированнай, 465 механизация аҥаардаах, 11 ат көлөлөөх уонна 1 илии звенота оттуур. Сорох сирдэргэ үүнүү мөлтөх буолан, үрэх сирдэргэ мобильнай биригээдэлэр тахсаннар хаһаайыстыбаҕа уонна атыыга тахсар оту булууга үлэлэһэ сылдьаллар.

Бу күннэргэ сорох нэһилиэктэргэ ылыныллыбыт былаан аһары туолла. Ол курдук Мээндигигэ кэтэх хаһаайыстыбалаахтар былааннарын 256,3бырыһыан, “Соморсун” ТХПК-тан Владимир Заборовскай звенота былаанын 103,2 бырыһыан толордулар.

Ааптар: “Амма олоҕо” хаһыат

Сообщение Аммалар кураан күннэргэ күүскэ оттоотулар появились сначала на Ulus.Media — все главные новости из районов Якутии.

Комментарии закрыты.