Ат спорда: Куоҥ-Харах ипподромугар

 

Балаҕан ыйын 7 күнүгэр Мэҥэ Хаҥалас улууһугар М.М. Соттников аатынан  «Куоҥ‒Харах» ипподромугар, «Мэҥэ-Хаҥалас улууһа» муниципальнай оройуон дьаһалтатын бириистэригэр өрөспүүбүлүкэтээҕи ат сүүрдүүтэ түһүлгэлэннэ. Бу сүүрдүүгэ сайыҥҥы улахан бириистэр кыайыылаахтара үксүлэрэ тахсыбыттар. Арай Чурапчыттан, быйылгы Ил Дархан бирииһин кыайыылааҕа Мэйн Конинг кыттыыны ылбата.

 

 

I сүүрдүү. 1000 м. «Күһүҥҥү бириис». Тыйдарга

1.Губернатор. Кугас атыыр (Березуцкий‒Германика), Чурапчы. 2. Түмэн. Тураҕас атыыр (Карасун‒Габольд), Хаҥалас. 3. Артик Бой. Тураҕас атыыр. (Боцман‒Аркана), Амма. 4. Арылхан. Хара тураҕас атыыр. (Боцман‒Арылхаана), Нам. 5. Армада. Тураҕас тыһы. (Данк Шот‒Афродита), Мэҥэ Хаҥалас. 6.Аида. Кытархай тыһы. (Нейко‒Хотууна), Мэҥэ Хаҥалас.

СТАРТ. Быһый, түргэн атахтаах төрүттэрдээҕинэн биллэр Губернатор. Сүүрүүнү баһылыыр. Кини кэнниттэн Түмэн. Артик Бой, Арылхан. Тутуспутунан финишт эргииригэр киирэллэр. Губернатор тас өттүнэн эргийэн көнөҕө киириитигиэр Түмэн сулбу ойон, биэтэккэ бастакынан киирэр. Бириэмэтэ ‒ 1 м. 4 с. 1; Губернатор ‒ 1 м. 4 с. 7; Арылхан ‒ 1 м. 5 с. 6; Артик Бой ‒ 1 м.5с. 9; Армада ‒ 1 м. 6 с. 9; Аида ‒ 1 м. 7 с. 8.

II сүүрдүү. 2400 м. Тиҥэһэлэргэ «Совдия аатынан» бириис

Мэҥэ Хаҥаластар СӨ ДЕРБИ бирииһин, оҕолоро  алта төгүл ылбыт биэлэрин Совдияны ытыктаан кини аатын үйэтинэн бириис туруорбуттара хайҕаллаах, үтүө дьыала. Бу сүүрдүү сүрүн интэриэһинэн, СӨ Дерби бирииһин быйылгы кыайыылааҕа Совдияна (Мэҥэ Хаҥалас) уонна Дерби бирииһигэр табыллыбакка рейтиҥҥэ сүүрбэтэх Кэрэл (Нам) күөн көрсүүлэрэ буолла. Ат сүүрдүүтүгэр мэлдьи сылдьар дьон «Супер‒дуэль» диэбиттэрин көрөн итэҕэйдибит. Старт. Тоҕус тиҥэһэ илин‒кэлин былдьаһан түһүнэллэр. Эргииргэ урут Кэрэл киирэр. Утарсааччылара кэнниттэн чөмөхтөһөн иһэллэр. Киин трибуна иннинэн сүүрдүүнү Кэрэл баһылаан ааһар. Уҥуоргу көнөҕө, Совдияна Кэрэли эккирэтэн ситэр. Кэрэл төрүт хаалбат. Кинилэргэ Сандал (Нам) чугаһыыр. Кэрэл эргииргэ киириигэ Совдиянаны ааһар. Кыайыылаах Кэрэл көрдөрүүтэ ‒ 2 м. 44 с. 5. Нам, хаһаайына Александр Назаров, баайааччыта Сергей Ядреев, сүүрдээччитэ Иннокентий Иванов. Совдияна ‒ 2 м. 45 с. 3. Сандал ‒ 2 м. 46 с. 4.

III сүүрдүү. 1600 м. «Шаддат аатынан» бириис

Бу уһуҥҥа намнар биэлэрэ Суфражиска кими да тулуппата. Бириэмэтэ ‒ 1 м. 44 с. 7. Салто ‒ 1 м. 45 с. 4. Варадеро ‒ 1 м.45 с. 9.

IV сүүрдүү. 1800 м. «Мэҥэ-Хаҥалас улууһа» муниципальнай оройуон дьаһалтатын баһылыгын бирииһэ

Соҕурууттан аҕалыллыбыт 6 үрдүк хааннаах сүүрүк, бу күннээххэ ким үчүгэй бэлэмнээҕин тургутустулар. Старт. Инникилээн Анкэнди (Чурапчы), Скай Файтер  сүүрүүнү баһылаан, уҥуоргу көнөҕө тахсаллар. Анкэнди атан биэрэн уста кэриҥэ сырдыктанар. Кэнниттэн утарсааччылара чөмөхтөһөллөр. Мэйзи Кинг (Амма) иккискэ тахсар. Уонна биэтэккэ киириигэ диэри эккирэтэр да сиппэт. Анкэнди – 1 м. 52 с. (Чурапчы). Мэйзи Кинг (Амма) – 1 м. 52 с. 5. Есаул (Нам) – 1 м. 54 с. Кыайыылаах Анкэнди баайааччыта Дмитрий Осипов, сүүрдээччитэ Анатолий Куличкин.

V сүүрдүү. 2000 м

Айнцер Гут (Мэҥэ Хаҥалас) – 2 м. 13 с. 9. Тириэньир Василий Игнатьев, сүүрдээччитэ Виктор Саввин, Тускул (Чурапчы) – 2 м.14 с.4 Найт Шот (Мэҥэ Хаҥалас) – 2 м. 15 с. 1.

Ат сүүрдүүтүн сөбүлээн көрөөччүлэр, баайааччылар, сүүрдээччилэр ааттарыттан, «Мэҥэ-Хаҥалас улууһа» муниципальнай оройуон дьаһалтатыгар, нэһилиэктэр баһылыктарыгар, Ил Түмэн дьокутаатыгар, урбаанньыт Руслан Федотовка, «Артика-Строй» ХЭТ салайааччыларыгар Петр, Иван Никифоровтарга, «СЭТТЭ» тутуу хампаанньатын бөлөҕүн биир утумун салайааччытыгар Николай Скрыбыкиҥҥа барҕа махтал тылларын тиэрдэбин.

Иннокентий АММОСОВ.

Татьяна КОПЫЛОВА хаартыскаҕа устуута.

 

Добавить комментарий

Ваш адрес email не будет опубликован. Обязательные поля помечены *