Айылҕаҕа араас баар буолуон сөп

Балаҕан ыйын 19 күнэ үүнэр түүнүгэр Сунтаар улууһугар 3-4 см халыҥнаах хаар түһэн ааста (сорох сиргэ өссө халыҥ дииллэр). Хаар эбиитин күүстээх тыал доҕуһуоллаах буолла.


Сунтаар улууһун биир кэлим диспетчерскэй сулууспа иһитиннэрэринэн, Хочо эҥээринээҕи нэһилиэктэр бары, ону сэргэ Бүлүүчээн, Кириэстээх, Бордоҥ, Тэҥкэ, Хадан, Туойдаах уота суох буола сырыттылар.

Балаҕан ыйын 19 күнүн сарсыарда суолу быһа мас сууллан мэһэйдээбититтэн, тиэхиньикэлэр улуус киинигэр кыайан киирбэт түгэннэрэ тахсыбыта.

Ити аата халлааммыт барахсан айылҕаҕа араас буолуон сөбүн сэрэтэр, кыһына кэлиэхтээҕин санатар быһыыта буоллаҕа…

Ааптар: Борис НИКОЛАЕВ.

Сообщение Айылҕаҕа араас баар буолуон сөп появились сначала на Ulus.Media — все главные новости из районов Якутии.

Комментарии закрыты.