Бүлүүгэ бэтэрээн эр дьон баскетболлаатылар

Бүлүү куоратыгар тохсунньу 18-19 күннэригэр «Эрчим» спортивнай комплекска Бүлүү куорат «Физическэй култуура уонна спорт» салалтатын салайааччыта Федоров Степан Семенович көҕүлээһининэн, бэтэрээн эр дьон баскетболга республикатааҕы күрэхтэһиилэрэ буолан ааста. Күрэхтэһиигэ Уус Алдан, Дьокуускай куораттан «Кыымаан», Бүлүү куорат, Бүлүү улууһун уонна Дьөккөн хамаандалара күөн көрүстүлэр.

 

 

 

Икки күннээх тыҥааһыннаах оонньуулар түмүктэригэр 1-кы миэстэ Уус Алдан, 2-с миэстэ Бүлүү куорат, 3-с миэстэ «Кыымаан» хамаанда буоллулар.

Күрэхтэһии “Бастыҥ оонньооччутунан” Орлов Владимир (Уус Алдан), “Бастыҥ кимээччинэн” Платонов Петр (“Кыымаан”), ”Бастыҥ көмүскээччинэн” Васильев Александр (Бүлүү) буоллулар.

Күрэхтэһии тэриллиитигэр көмөлөрүнэн иһин “Кыымаан” хамаанда хапыытаана Гоголев Айаал, Уус Алдан хамаандатын тэрийэн кэлбит Бурцев Иван – тэрийэр хамыыһыйа анал бириистэрин ыллылар.

Бүлүү улууһугар баскетбол сайдыытыгар кылааттарын иһин, Бүлүү хамаандатын хапытаана Сыромятников Николай уонна тренер Спиридонов Василий анал бириис хаһаайыннарынан буоллулар.

Курэхтэһиини тэрийбит Бүлүү улууһун баскетбол Федерациятын салайааччытыгар Николаев Александр Васильевичка, күрэхтэһии спонсорыгар «Сыа Бүлүү» СХППК салалтатыгар уонна тэрийэр хамыыһыйаҕа махталбытын тиэрдэбит!

Бүлүү куорат физическэй култуураҕа уонна спорка управлениета.

Добавить комментарий

Ваш адрес email не будет опубликован. Обязательные поля помечены *