Бэрдьигэстээххэ биир киһи анаалыһа бигэргэннэ

Бэрдьигэстээххэ биир устудьуон киһиэхэ коронавирус диагноһа туруорулунна. Дьокуускай куоракка ыалдьыбыт киһини кытта алтыспыта билиннэ, диэн улуустааҕы суһал штаб иһитиннэрэр.


Ыалдьыбыт киһи инфекционнай балыыһаҕа киллэрилиннэ, кинини кытта алтыспыт дьон быһаарыллаллар.

Суһал штаб дааннайынан, Бэрдьигэстээххэ обсерваторга – 1 киһи сытар. Улууска кыраныысса таһыттан кэлбиттэр – суохтар. Самоизоляцияҕа – 13 киһи дьиэлэригэр олороллор, кэтээн көрүү ыытыллар. Аармыйаттан 2 ыччат кэлэн, самоизоляцияны толору тутуспуттара.

Тутууга кэлии дьон – 206 киһи үлэлиир. Улуустааҕы киин балыыһа медиктэрэ температураларын мээрэйдииллэр, полиция, оперштаб өттүттэн хонтуруол барар, рейдэлэр оҥоһуллаллар.

«Улуус олохтоохторун уопсастыбаннай миэстэлэргэ сылдьыыттан туттунаргытыгар ыҥырабыт!
Эпидемиологическай балаһыанньа тыҥаан турар кэмигэр дьиэҕэ олорор эрэсиими кытаанахтык тутуһуҥ!
Ыарыыга хаһан баҕарар, ханна баҕарар хаптарыахха сөп, вирус куттала өссө да баар, бу хас биирдиибитин таарыйыан сөп. Барыбытыттан эппиэтинэстээх буолуу, биир өйгө-санааҕа түмсүүлээх буолуу ирдэнэр.
Өссө төгүл санатабыт, Горнай улууһун суһал штабын нүөмэрэ – 8(41131) 41010
Улуустааҕы балыыһа суһал линиятын нүөмэрэ – 89142815343», – диэн иһитиннэрэр Горнай улууһун дьаһалтатын суһал штаба.

«Үлэ күүһэ»

Комментарии закрыты.