Быраһаай, Баанньабыт барахсан

Бу күннэргэ биһиги редакциябытыгар тугунан да кэмнэммэт ыар сүтүк таҕыста. Ол курдук, бу ый 20 күнүгэр баара эрэ 44 сааһыгар бииргэ үлэлиир коллегабыт, редакциябыт техническэй редактора, верстальщига, СӨ ыччат политикатын, СӨ бэчээтин туйгуна Иван Валерьевич Степанов күн сирин олоҕуттан ыарахан ыарыыттан өлөн туораата. Өрөспүүбүлүкэ араас быраастара да кыайбатах ыарыылара өлөр өлүү буолан Баанньабыт сүрэҕин тохтотто.

Кини биһиги редакциябыгыр 17 сыл үлэлээтэ. Ол былаһын тухары кини туһунан хом саныыр киһи суох. Ваня мэлдьи аа-дьуо сылдьар , туохха да, ханна тиэтэйбэт майгылаах киһи буолааччы. Үлэлээтэҕинэ компьютерын иннигэр турар кириэһилэҕэ чөкөллөн олорбокко хайдах эрэ сытар дуу, олорор дуу балаһыанньаҕа үлэлээччи. Бэнидиэнньиктэн саҕалаан киниэхэ кэлээччи киһи хара баһаам буолара. Уонча сыллааҕыта Зосим диэн охранник: “Ваньке полгорода ходит”, –  дии сатаан баран, — “Ему весь город ходит”, –  диэн салла кэпсиир этэ. Оннук курдук элбэх табаарыстардаах, билэр дьоннордоох буолааччы.

Верстальщик буолан элбэх кинигэ оҥорсуутугар көмөлөспүтэ. Авиация бэтэрээнэ Михаил Егорович Васильев көрдөһүүтүнэн өрөспүүбүлүкэ авиациятын историятын туһунан таһаарар кинигэлэригэр элбэхтик үлэлээбитэ. Ону таһынан “Алгыстар” диэн кинигэни, редакция үлэһиттэрэ суруйбут кинигэлэрин версткатын барытын кини оҥороро. Эбиитин билигин тахса турар Геннадий Бечеряков редактордаах “Аар тайҕа” хаһыаты эмиэ кини версткалыыра. Үлэ чааһын кэнниттэн өр хаалан, өрөбүллэргэ кэлэн үлэлээн дьонун, уолун Артуру иитэр туһугар компьютер иннигэр үгүстүк олорбута.

Төһө даҕаны Дьокуускай куоракка төрөөтөр, онно улааттар, төрөөбүт сахатын тылын олус үчүгэйдик билэрэ. Икки тылынан холкутук дэгиттэр саҥарар, олус грамотнай буолан биһиэхэ, “Забота-Арчы” суруналыыстарыгар, улахан чэпчэтиини оҥороро. Суруллубут матырыйаал бэрэбиэркэлэнэн Ваня илиитигэр киирдэ да, холкутуйа түһэҕин, ханнык хаартысканы талан ханна, хайдах туруорарын бэйэтэ билэрэ. Үлэтигэр олус творческайдык сыһыаннаһара. Билэрэ бэрт буолан матырыйаал хаһыат балаһатыгар батарын дуу, итэҕэһин дуу эндэппэт этэ.

Төрөөбүт дойдутугар, Өлүөхүмэҕэ, кэлин иккитэ-хаста бара сылдьыбытын, онно хайдах бултаабытын астынан олорон кэпсиирэ. Айылҕаҕа сылдьан балыктыан, кустуон олус баҕарара да, бириэмэтэ кэмчи буолан анаан-минээн сылдьыбат этэ. Киэҥ кругозордаах буолан табаарыһа Александр Дьяконовтыын, Айсиэн Дойдулуун Өлүөнэ арыыларыгар историческай миэстэлэргэ сылдьыталаабыта.

Уолун Артур туһугар олус кыһаллара. Кыратыттан онно-манна батыһыннара сылдьара, үгүстүк үлэтигэр илдьэ кэлэрэ. Кэлин улаатан оскуола киһитэ буолбутугар уруок аахтарыы кини эбээһинэһэ быһыылааҕа. Бырааһынньыктарга кэргэнигэр, уолугар подарок бөҕөтүн ылар этэ. Редакциянан көрсүһэн аһыырбытыгар торт астаан аҕалааччы.

“Кырдьаҕаһы кытта кырдьаҕас, эдэри кытта эдэр” диэн норуот номоҕо Ваняҕа оруобуна сөп түбэһэр. Хаһан да кыыһырбат, хаһан да кимиэхэ да аккаастаабат майгыта киһини эрэ сөхтөрөрө.

Үтүө киһини эрдэ “ылаллар” диэн мээнэҕэ эппэттэр быһыылаах. Быдан дьылларга быраһаай, күндү доҕорбут, Баанньа!

*     *     *

Мин Ваняны кытары уонча сыл үлэлээн, билигин  пенсияҕа олоробун. Кэлин кэпсэтэн билбитим, олох да 1975 с. Геология институтугар үлэлии сылдьан кэргэннэммиппэр, миэхэ Физтеххэ үлэлиир Степанов диэн киһи квартиратын биэрбиттэр, Чайковскай бастакы олбуоругар. Дьэ, ол Степанов миэхэ күлүүһүн туттарарыгар үөрэ-үөрэ:  “Я вам желаю недолго жить в этом доме”, –  диэбитигэр соһуйдум да, туох да диэн эппиэттээбэтим.  Биир балай эмэ улахан хостоох, киирэ түһээти кухнялаах, өссө эмиэ балай эмэ улахан олбуордаах этэ. Биһи үөрүүбүт үксэ суох буола түстэ. Чахчы, ол дьиэбитигэр 4,5 эрэ сыл олороот, таас дьиэ ылбыппыт. Ваня аҕата миэхэ, олох билбэт киһитигэр, үчүгэйи эрэ баҕаран, оһохтоох дьиэттэн түргэнник благоустроеннай дьиэҕэ көһүөхпүн эппитин кэлин өйдөөбүтүм.

Онтон олох да “Заботаҕа” кэлэн баран, Ванялыын кэпсэтэн билбитим, миэхэ Степановтар дьиэлэрин биэрбиттэр эбит. Ваня дьонун курдук үтүө сүрэхтээх, сүрдээх элэккэй, киһи кыһалҕатын өйдүүр, хаһан да киһи көрдөһүүтүн аккаастаабат, сэмэй  киһи буола улааппыт.

Хаһыаппыт икки тылынан, нууччалыы-сахалыы, тахсар буолан, эмиэ туһугар уустуктардаах. Мин сөҕөрүм диэн баар, Ваня куорат оҕото эрээри, саха тылын бэркэ билэр этэ. Кини кэпсиир этэ, үс хостоох таас дьиэҕэ көһөллөрүгэр сэттиэлэр үһү: икки оҕолоох дьиэ кэргэн, икки эбэлэрэ уонна кырдьаҕас эдьиийдэрэ. Ваня ол үс эбэҕэ улааппыт буолан, сахалыы үчүгэйдик саҥарара, сүрдээх грамотнайа. Кинини кытта үлэлииргэ чэпчэки этэ.

Маргарита Николаевналыын үһүөн биир хоско олорорбут. Ваня биһиэхэ оҕобут курдук этэ. Төһө да хойутаан кэллэр: “Оо, Баанньыска кэллэ” диэн, үөрэ-көтө түһэрбит.

Ванябыт эдэр сааһыгар олохтон туораан биһигини соһутта, хомотто.

Оҕобутун өрүү саныы сылдьыахпыт.

Анастасия ПЕТРОВА.

*     *     *

Ваня биһиги хаһыакка “Республика бүттүүнүттэн” үлэҕэ кэлбитэ. Үчүгэй үлэһит диэн Александр Иванович бэйэтэ ыҥыран аҕалбыт этэ. Кини көнө, көрсүө, сэмэй майгытынан тута коллектив биһирэбилин ылбыта.  Үлэҕэ араас ыксаллаах быһыы-майгы ханна барыай, ону Баанньыска барахсан олус холку уонна көнө сүрүннээх буолан, саҥата-иҥэтэ суох, уу-чуумпутук оннун булларан бүтэрбит-оһорбут буолааччы. Хаһан да кыыһырбытын көрбөтөҕүм. Уонна, дьэ, билэр-билбэт дьонун, табаарыстарын көрдөһүүлэригэр биирдэ да “суох” диэн хомоппотох, арааһа, биһиги Баанньыскабыт буолуо. Ол курдук, кини дьоҥҥо аламаҕайдык, биир тэҥник сыһыаннаһара. Федора Петровна тыыннааҕар хаһыатын версткалаан биэрэрэ уонна кини үлэтигэр, хаһыатыгар бэриниилээҕин сөҕөн Баанньыска биһиэхэ кэпсиирэ. Барахсан пенсиятын сыыһыттан Баанньыскаҕа бэрсэн хаһыатын таһааран,  олорбут кэмнэрдээҕэ. Ити эрэ буолуо дуо, араас кинигэ таһааттарааччы, альбом оҥорторооччу, компьютер, ноутбук көрдөрөөччү –  бары Баанньысканы үүйэ-хаайа тутарбыт. Кини элбэх саҥата суох буолан баран, чуолкай биир тылынан этэн кэбиһэн күлсүү-салсыы бөҕө буоларбыт, оннук юмордааҕа.

Мин төһө да пенсияҕа таҕыстарбын редакциябын кытары  сибээспин быспаппын, кэлэ-бара билсэ турабын. Редакция аҕыйах киһилээх буолан, биир ыал курдук олус иллээхтик, эйэлээхтик үлэлээн ааспыппыт. Баанньыскабыт барахсан коллективка саамай эдэрбит, оҕобут тэҥэ этэ. Анастасия Макаровна биһикки оҕотутан, ньырамсытан Баанньыска диэн таптаан ааттыырбыт. Онтубут ханна баар, дьылҕата буоллаҕа эрэ диирбитигэр тиийэбит.

Оҕобут, Баанньыскабыт, барахсан быдан дьылларга быраһаай!

Маргарита САВВИНОВА.

***

Күрүлэс куйаас түһэн, чаҕылыйар күннээх күҥҥэ этиҥ эппитинии, биһиги редакциябыт ортотугар куһаҕан сурах күүппэтэх өттүбүтүттэн кэлэ соһуйуу бөҕө соһуйдум, хомойуу бөҕө хомойдум… Кэллиэгэбит, оҕобут Ванькабыт барбыт, күн сириттэн күрэммит… Эчи, ынырыгыан, эчи куһаҕаныан… Истээт, үлэбэр сүүрдүм, санаабар, сымыйа сурах буолуох курдук… Хантан? Куһаҕан сурах хаһан да сымыйа буолбат эбит.

Ванькалыын мин 8 сылы быһа биир кабинекка иллээхтик-эйэлээхтик үлэлээн-хамсаан кэллэхпит, уолум версткалыыр, миэнэ – корректура, онон техническай кабинет аатыран олорбуппут. Ааммыт куруук аһаҕас, Ванька доҕотторо, аймахтара, атастара, миэннэрэ да субуруһан олороллоро. Аны Ванькаҕа наадыйааччы, ким компьютер көрдөрбүт, ким кинигэ таһаартарбыт, ким харчы көрдөөбүт… Саамай дьиктитэ, уолум биир да киһиэхэ аккаастаабат, эс диэбэт, барыларын биир дэмник көрсөр, ыксаабат, ыгылыйан ыксаан кэлбит киһи киниттэн холкутуйан тахсара…

Аны үлэһитэ бэйэтин киэнэ, хаһыатын оҥоро сылдьан тэҥҥэ “Аар тайҕаны”, “Северная трасса” хаһыаттары таһаарара, хас халыҥ, чараас кинигэ кини илиитинэн ааспытын билбэппин, арааһа, сүүсчэкэ буоллаҕа буолуо…

Бэйэ-бэйэбитин бэккэ өйдөһөн кэллибит, биирдэ да кыыһырсыбакка, уолум миэхэ биир да куруубай тылы эппэккэ… Аны санаатахха, дьиэ кэргэҥҥэ иитиитэ үчүгэйэ таайдаҕа.

Ванябыт, Баанньыскабыт, Ванькабыт, Иван Валерьевичпыт биһиги өйбүтүгэр куруук тыыннаах хаалыаҕа.

Биир хоско бииргэ үлэлээбит коллегата Марина ЛЫТКИНА.

 

*     *     *

Ваня, Ванечка, Иван…

 

Нет больше тебя с нами. Не поднимешься больше ты на третий этаж — в кабинет 302, ставшим для тебя  вторым домом. На простой вопрос, которым начинался твой рабочий день: «Как жизнь, как здоровье?», не ответишь с обычной улыбкой: «Нормально».

Рано ты ушел из жизни, наш дорогой друг и соратник. Будто выключился свет. Не верится, что никогда не увидим тебя, не услышим.

Не придут из 301 кабинета, чтобы посоветоваться, где и как поставить тот или иной материал, врезку, фото, поинтересоваться вашими буднями.

Будет тосковать без тебя тетя Марина, не обнаружив в отражении зеркала твоего сосредоточенного лика. Некому будет торопить (на самом деле ты никогда не подводил в сроках сдачи газеты в типографию), просто Марина Федоровна, любя тебя, страховалась. И мы все тоже.

Нам, 320 кабинету, очень не хватает тебя. Нам кажется, что мы теперь обделены теми чувствами, которые были присущи тебе –  доброжелательностью, терпимостью, выдержкой, уважением и стремлением помочь старшим товарищам. Ни разу за все годы работы Иван, ты, не отказал нам даже в мелочах. Благодаря тебе, мы в ватсапе, социальных сетях, в электронной почте.

И главный редактор Александр Иванович не поручит никому больше серьезных заданий, которые зависели от мастерства твоего, в том числе такие, как информированность и известность нашего издания.

Для нас, всех почти всех, выпускается газета в честь юбиляра. Это –  твоя работа, за что мы благодарны безмерно. Еще, Иван, у тебя есть книги, которые  увековечивают твое имя. Среди этих книг – наша тоже. Твоя последняя верстка –  «Забота» –  наша судьба» стала призером конкурса «Сахамедиа».

Мы знаем, что ты награжден многими наградами, всевозможными наградами министерств республики, Почетной грамотой Ил Тумэн, ведомственными. Мы очень гордились тобой, когда ты стал отличником молодежного движения, был награжден от имени ассоциации воинов-афганцев и, когда тебе присвоили звание отличника печати Республики Саха  –  всё это было очень вовремя, справедливо и заслуженно.

Иван Валерьевич, ты много и достойно работал в вопросах увековечения памяти воинов и тружеников Великой Отечественной войны. Ты был верстальщиком десятков книг на эту тему… Обо всем этом будут и потом говорить и вспоминать…

Твое трепетное отношение к семье (как ни сложилась судьба) нам очень нравилось, это было нечто! Твои доброжелательные, полные надежд советы Артуру нам до сих пор слышатся в ушах. Много лет был ты в составе родительского комитета школы, и это говорит о многом.  Как мы радовались, когда Ваню признали в нашей редакции «Лучшим отцом» и наградили специальной медалью. Вот так успешно, хорошо и ладно, в русле налаженного быта текла жизнь Степановых. Но есть ситуации, которые не подвластны нашим желаниям и силам.

Коварная болезнь вырвала из рядов журналистской братии нашего коллегу, сотрудника, преданного товарища и лучшего друга, скромного, но в то же время, ответственного и целеустремлённого человека, разносторонне талантливого компьютерщика – программиста. Спасибо тебе, дорогой наш Иван, за то, что ты был в нашем журналистском строю, за то, что всегда был добр и приветлив, мастером своей профессии. Мы все очень благодарны судьбе за то, что она свела нас с таким замечательным человеком – с тобой. Покойся с миром, любимый наш брат Иван.

Помним, любим, скорбим.

Твои коллеги:  Александр Верёвкин, Николай Петров, Людмила Асекритова, Александр Лукин,  Маргарита Сон, Анастасия Петрова, Маргарита Саввинова, Иван Егоров, Александра Корякина, Марина Лыткина, Надежда Аргунова, Саргылана Иванова, Айталина Яковлева, Дмитрий Васильев, Анна Захарова, Любовь Бурцева, Екатерина Бястинова, Василий Кириллин.

Добавить комментарий

Ваш адрес email не будет опубликован. Обязательные поля помечены *