«ЧОЛБОН» СУРУНААЛ САҤА СҮҺҮӨХ «ЩЕПКИНЕЦТЭРЭ» «ШЕФСТВО» ОЛОХТООТО

Быйыл  М.С. Щепкин аатынан Үрдүкү театральнай училищеҕа сүүсчэкэ саха ыччата туттарсан анал бөлөххө киирэргэ холонон көрдө. Үс ыарахан түһүмэҕи этэҥҥэ ааһан, аатырбыт театральнай училище устудьуона буолар чиэскэ 23 киһи тигистэ. «Чолбон» сурунаал редакцията кинилэр өрөспүүбүлүкэттэн куратордарын Лена Васильевна Тимофееваны көрсөн сурунаал уонна автографтаах, кинигэлэрин бэлэхтээтэ. Сурунаал инникитин «шефство» олохтоон үлэлэһэргэ сөбүлэстэ.

—     Сүүрбэ биир сыл буолан баран, быйыл Россияҕа театр сылын чэрчитинэн Саха сирин ыччатыгар уон түөрт миэстэ көрүллүбүтэ. П.А. Ойуунускай аатынан Саха театрын салайааччыта Анатолий Николаев хас да сылы быһа туруорсубут үлэтин үтүө түмүгэ. Онно Саха өрөспүүбүлүкэтэ алта миэстэни ылары ситистэ, дьэ бу  сүүрбэ үбүлэнэр миэстэҕэ үс түһүмэҕинэн сүүмэрдээтибит. Бастаан докумуоннарын туттарыы, онтон Андрей Борисов баһылыктаах саха режиссердарын уонна тиһэҕэр М.С. Щепкин аатынан Үрдүкү театральнай училище анал хамыыһыйатын ыарахан экзаменнарын ааһан, 23 киһи аатырбыт үөрэх устудьуона буолла, үөрдүлэр-көттүлэр. Кинилэри Россия бастыҥ преподавателлэрэ түөрт сыл устата артыыс маастарыстыбатыгар уонна сценическай саҥаҕа-иҥэҕэ үөрэтиэхтэрэ, такайыахтара, — диэн саҥа куртарорынан анаммыт  Лена Тимофеева билиһиннэрдэ.

Иван ОСИПОВ.

Добавить комментарий

Ваш адрес email не будет опубликован. Обязательные поля помечены *