“Чысхаан” хайыһардьыттарын ситиһиилэрэ 

“Чысхаан” любитель хайыһардьыттар спортивнай кулууптара 2013 сыллаахха тэриллибитэ. Кулууп сүрүн сыала – нэһилиэнньэҕэ хайыһар спордун сайыннарыы, тэнитии буолар. Кулууп 52 чилиэннээх. Бу кэм устата чысхааннар – Финляндияҕа, Швейцарияҕа уонна Сыктывкарга буолбут аан дойду кубоктарыгар кыттыыны ылбыттара. Иллэрээ сыл Россия Кубогар иккис миэстэни ылбыттара – билиҥҥитэ улахан ситиһиилэрэ.

 

Итини тэҥэ чысхааннар сыллата хайыһарга любителлэр спортивнай кулууптарын Россиятааҕы күрэхтэһиилэригэр уонна кубоктарыгар ситиһиилээхтик кытталлар.

Ол курдук, 2014 сыллаахха Сыктывкарга Россия күрэхтэһиитигэр Н.В. Захаров 30 км классикаҕа, А.П. Петрова 10 км классикаҕа – бастакы, З.С. Андреева, В.С. Слепцова, И.Дегтярева – иккис, Н.В. Захаров, П.П. Харитонов, А.П. Петрова – үһүс миэстэлэри ылаттаабыттара.

Эһиилигэр, эмиэ Комига аан дойду кубогар Н.В. Захаров 4:5 км эстафетаҕа үрүҥ көмүс мэтээли ылары ситиспитэ.

2016 сыллаахха Ижевскайга Россия күрэхтэһиитигэр Е.Н. Павлова үс дистанцияҕа тэҥнээҕин булбатаҕа, З.С. Андреева, М.С. Колодезникова иккис буолбуттара, оттон Н.В. Захаров, В.С. Слепцова, М.С. Колодезникова үһүс көрдөрүүлэммиттэрэ.

2017 сыллааҕы Россия күрэхтэһиитэ Кировскай уобаласка ыытыллыбытыгар Н.В. Захаров 5 км боруонса мэтээллэммитэ.

2018 с. любителлэр спортивнай кулууптарын икки ардыларыгар Россия кубога Новоуральскай куоракка буолбута. Манна “Чысхаан” кулууп 20 хамаандаттан иккис миэстэни ылары ситиспитэ. Хайыһардьыттарбыт барыта холбоон 15 мэтээли ылбыттара. Ол курдук, В.Г. Саввина үс дистанцияҕа кыайыылааҕынан тахсыбыта. В.С. Слепцова икки кыһыл көмүс, биир үрүҥ көмүс, Е.Н. Павлова уонна С.Н. Абрамов биирдии кыһыл уонна үрүҥ көмүс, Н.В. Захаров бэйэтин дистанциятыгар иккис, М.С. Колодезников уонна Е.С. Никитина үһүс миэстэлэри ылбыттара.

Ити сыл Россия күрэхтэһиитэ Татарстан Заинскай куоратыгар ыытыллыбыта. Онно И.П. Петров биир үрүҥ көмүс, икки боруонса, А.А. Борисов биир үрүҥ көмүс, икки боруонса мэтээллэммиттэрэ. Ону тэҥэ Е.Н. Павлова, В.Г. Саввина, С.М. Абрамов – иккис, М.С. Колодезников, З.С. Андреева – үһүс көрдөрүүлэммиттэрэ.

Былырыын Кировскай уобаласка буолбут Россия күрэхтэһиитигэр А.А. Борисов биирдии кыһыл уонна үрүҥ көмүс мэтээллэринэн наҕараадаламмыта. “Чысхаан” кулууп салайааччыта Е.С. Никитина эмиэ бэйэтин дистанциятыгар кыайыыны ситиспитэ, итиэннэ биир боруонса мэтээллэммитэ. Оттон М.С. Колодезникова, В.С. Слепцова, В.Г. Саввина уонна Л.Е. Аргунова үһүстээбиттэрэ.

Маны тэҥэ, “Чысхаан” спортивнай кулууп республикаҕа сыл устата быһа холоон уонча күрэхтэһиини тэрийэн ыытар. Сотору кэминэн, чопчулаан эттэххэ, муус устар 3-5 күннэригэр үс төгүллээх олимпийскай чемпион, Россия хайыһарга федерациятын президенэ Елена Вяльбе бирииһигэр республикатааҕы күрэхтэһиини тэрийэргэ былааннаналлар.

Петр ПАВЛОВ.         

 

Добавить комментарий

Ваш адрес email не будет опубликован. Обязательные поля помечены *