Дьиэтээҕи шашлык

Куурусса түөһэ – 500 г.;

Мас арыыта – 1 ост.нь.;

Паприка – 1 ч.нь.;

Куурбут чосунуок – 1 ч.нь.;

Соя соуһа – 3-4 ост.нь.;

Кабачок – ½ уст.;

Минньигэс биэрэс – ½ уст.;

Эриэппэ луук – 1 уст.;

Черри помидор – 7 уст.

Куурусса түөһүн үчүгэйдик ириэр уонна тэҥ кээмэйдээх гына бысталаан баран маринадка уур (паприка, чосунуок,  мас арыыта, соя соуһа). Үчүгэйдик булкуй, кытаанахтык хаппахтаан баран түүн устата тымныыга туруор. Астыыр күҥҥэр сэттэ шпажканы тымныы ууга илит, оччоҕуна духуопка оһоҕор кэриэриэ суоҕа (мин шпажкаларым 35 см үрдүктээхтэр). Оҕуруот аһын сөбүлүүргүнэн быс, арыынан сотуллубут гриль хобордооххо ыһаарылаа. Бу хобордооххо маринуйдаммыт кууруссаны икки өттүттэн ыһаарылаа. Кууруссаны күүстээх уокка 30 сөк. кэриҥэ ыһаарылаа. Арыы кутума. Ыһаарыламмыт кууруссаны, оҕуруот аһын шпажкаҕа ас уонна 200 кыраадыска диэри итийбит духуопка оһоҕор 5 мүнүүтэ буһар.

Ольга КРЫЛОВА

Добавить комментарий

Ваш адрес email не будет опубликован. Обязательные поля помечены *