Дмитрий Петрович Коркин тустууга турнирыгар билиэт атыыга таҕыста

Улуу тренер Д.П. Коркин кэриэһигэр көҥүл тустууга норуоттар икки ардыларынааҕы XII турнир саҕаланара уон хонук хаалла. Биллэрин курдук, тустуу “Триумф” Спорка бэлэмнэнии киинигэр үс күн – алтынньы 10-11-12 күннэригэр буолар. Онтон иккитигэр, саҥа быраабыла быһыытынан, кыайыылааҕы быһаарар хапсыһыылар (финаллар) буолуохтара.

 

 

Турнирга 25 дойду уонна Россия регионнарын күүстээх тустууктара күөн көрсөллөрө күүтүллэр. Сослан Рамонов (Хотугу Осетия-Алания), Александр Богомоев (Бурятия), Сушил Кумар (Индия), Хаджи Алиев (Азербайджан) уо.д.а. биллиилээх бөҕөстөр кэлиэхтэрэ.

Тустууну таптааччыларга анаан билиэт атыыга таҕыста. Билиэти www.tesserus.com сайтан, эбэтэр үлэ чааһын кэмигэр Дьокуускай куорат кассаларыттан (“Туймаада” ТРК, “Триумф” ЦСП, Кулаковскай аатынан Култуура дьиэтэ, Опера уонна балет театра, Саха академическай театра, Эдэр көрөөччү театра, Саха Арена офиһа) атыылаһыаххытын сөп. Билиэт сыаната миэстэтиттэн көрөн биир күҥҥэ 500-800 солк тэҥнэһэр.

Биһиэхэ иһитиннэрбиттэринэн, киирии билиэттэринэн – сыаналаах бириистэр оонньонуохтара. Ордук бааттаах көрөөччү Suzuki Alto массыынаны сүүрдэн барыан сөп. Ону таһынан атын да сыаналаах бириистэри сүүйүөххүт.

Улуу тренербит аатынан сылга биирдэ ыытыллар улахан таһымнаах күрэхтэһиини көтүтүмэҥ! Бэйэбит бөҕөстөрбүтүгэр ситиһиини баҕаран ыалдьыахха!

“Дьулурҕан”.

Добавить комментарий

Ваш адрес email не будет опубликован. Обязательные поля помечены *