ДУОБАККА КҮРЭХТЭСТИЛЭР

Үөрэх дьыла түмүктэнэрэ чугаһаата. Сылы эргиччи үөрэтэр-иитэр, сайыннарар соруктаах тэрээһиннэр үөрэх тэрилтэлэрин көҕүлээһиннэринэн тиһигин быспакка ыытылыннылар. Ол курдук оскуолаҕа киириэхтэрин иннинээҕи саастаах оҕолорго ырыаҕа, үҥкүүгэ, театрализованнай туруорууга, хоһоону ааҕыыга, уруһуйга, өй оонньууларыгар, «Сонорго» «Өбүгэлэрбит оонньууларыгар», саахымакка, легоҕа күрэхтэр буолан аастылар.

Түмүктүүр тэрээһининэн Муома алын сүһүөх оскуолата – «Кэскил» уһуйаан тэрийиитинэн нуучча дуобата буолла. Күрэххэ 8 уһуйаантан 15 оҕо кэлэн кытынна. Оонньуу түмүгүнэн биирдиилээн дуоскаҕа улахан бөлөх оҕолоругар  бастакы миэстэни Маныкина Карина («Кэскил»), иккис – Алехин Юра («Кэнчээри»), үһүс – Слепцова Альмира («Күнчээн»), бэлэмнэнии бөлөх оҕолоругар бастакы миэстэ – Данилов Ньургун («Кэнчээри»), иккис – Дьяконов Дамир («Кэскил»), үһүс – Кротов Илья («Туллукчаан») буоллулар. Маҥнайгы миэстэни ылбыт оҕолорго бу күрэҕи тэрийбит, 30-тан тахса сыл «Кэскил» уһуйааҥҥа сэбиэдиссэйинэн үлэлээбит педагогическай үлэ бэтэрээнэ Евдокия Ивановна Слепцова олохтообут бирииһин – именной кубоктары туттартаата.

Оҕолор түөстэригэр маҥнайгы кыайыыларын туоһутун – мэтээллэрин иилинэн уһуйааннарыгар үөрэ-көтө тарҕастылар. Маннык күрэхтэртэн тирэх анньынан дьоһун кыайыылар өссө иннилэригэр…

 

Валентина  СТАРОСТИНА, газета “Индигир уоттара”

Добавить комментарий

Ваш адрес email не будет опубликован. Обязательные поля помечены *