Иван Охлопков: “Биһиги бары бэйэбит биир дойдулаахпытыгар ыалдьабыт”

Сэтинньи 9 күнүгэр Москваҕа, булкаастаах киирсиилэр (UFC Gight Night 163) буолуохтара. Барыта 13 киирсии ыытыллара былааннанар. Онно биир дойдулаахпыт Григорий Попов англичанин Дэйви Гранты кытта киирсиэҕэ. Билэргит курдук, Григорий бу иннинэ UFC биирдэ киирсэн, американец Эдди Вайнлендга хотторбута. Оттон Грант түөртэ киирсэн – үстэ хотторбута. Попов-Грант киирсиилэригэр букмекердар, россиянин кыайыа диэн сылыктыыллар.

 

Григорий Попов – сааһа 35-һэ, 61 кг ыйааһын, үрдүгэ 170 см, 17-тэ киирсиилээх, ол иһиттэн – 14 кыайылаах, 3 хотторуулаах.

Дэйви Гран – сааһа 33-һэ, 61 кг, үрдүгэ 173 см, 14-тэ киирсэн – 10 кыайыылаах, 4 хотторуулаах.

Бу киирсии иннинэ биһиги «Sakha wrestling MMA» кулууп салайааччыта Иван Охлопковтан санаатын үллэстэригэр көрдөстүбүт:

-Киирсээччилэр саастарынан тэҥ сыһалар. Туран эрэн киирсиигэ Григорий быдан үөрүйэхтээх дии саныыбын. Оттон Грант грепплиҥҥэ үчүгэй соҕус гынан баран, биһиги байыаспыт ордук. Кини бу киирсиигэ хайдах быһыылаахтык бэлэмнэммитин этэр кыаҕым суох эрээри, функциональнай бэлэминэн анараа киһиэхэ баһыйтарбат буолуохтаах. Манна, киирсии түмүгэ киһиэхэ мээнэ көстүбэт элбэх түгэннэртэн турарын бэлиэтиэххэ сөп. Биир оннук түгэнинэн, Григорий бэйэтин дойдутугар, Россия киин куоратыгар Москваҕа кыттара буолар. Мин сылыктааһыммынан, Григорий Попов кыайыахтаах! Биһиги бары бэйэбит биир дойдулаахпытыгар ыалдьабыт. Кини тус бэйэтин күүһүнэн, кыаҕынан уонна дьулуурунан ЮФС курдук, улахан таһымнаах күрэхтэһиигэ киирдэ. Григорийга ситиһиини!   

Петр ПАВЛОВ.

 

Добавить комментарий

Ваш адрес email не будет опубликован. Обязательные поля помечены *