Күрэхтэһии, Саахымат гимназиятын хамаандатын кыайыытынан түмүктэннэ

Дьокуускайга, Саахымат-дуобат республикатааҕы киинигэр күрэхтэһии тохтоло суох ыытыллар. Ол курдук, тохсунньу 9-11 күннэригэр үөрэнээччилэр саахымакка биирдиилээн уонна хамаанданан бастыыр иһин күрэхтэһиилэрэ ыытылынна. Онно саастарынан араарыллыбыт үс бөлөххө барыта 125 оҕо оонньоото.  

 

 

 

Түмүккэ, 2004-2007 сс. төрөөбүттэр бөлөхтөрүгэр Ньургуйаана Баишева, Айтал Тарскай, Евдокия Избекова, Анна Тарская састааптаах Уус Алдан хамаандата 21 очукуолаах бастакы миэстэни ылла. Кинилэртэн баара-суоҕа очукуо аҥаарынан хаалан Саахымат гиназиятын хамаандата иккис буолла. Үһүс бириистээх миэстэҕэ Чурапчы эдэр саахыматчыттара таҕыстылар. Салгыы миэстэлэри Мэҥэ Хаҥалас 1-кы, Үөһээ Бүлүү, Мэҥэ Хаҥалас 2-с хамаандалара ыллылар.

Онтон 2008-2010 сс. төрөөбүттэргэ Саахымат гимназиятын 1-кы састааба (Артур Васильев, Альберт Постников, Сайаана Аргунова, Лея Попова) кыайда. Иккис миэстэни Саахымат гимназиятын 2-с састааба ылла. Үһүс – Дьокуускай хамаандата буолла. Салгыы миэстэлэри Үөһээ Бүлүү, Бүлүү, Таатта, Уус Алдан, Мэҥэ Хаҥалас хамаандалара ыллылар.

Уопсай хамаанданан түмүккэ Саахымат гимназията (Владислав Жирков, Татьяна Номтоева, Артур Васильев, Сайаана Аргунова, Оганес Аджян, Валерия Слепцова) бастаата. Уус Алдан хамаандата (Ньургуйаана Баишева, Евдокия Избекова, Альберт Ефимов, Анджела Нафанаилова, Андриан Егоров, Сайаана Макеева) иккистээтэ уонна Үөһээ Бүлүү эдэр саахыматчыттара (Саарын Терентьев, Алина Терентьева, Дамир Васильев, Диана Родионова, Гималай Степанов, Арина Жондорова) үһүстээтилэр.

Бу туһунан биһиэхэ күрэхтэһии кылаабынай судьуйата, Дуобат-саахымат республикатааҕы киинин инструктора Гаврил Петрович Винокуров иһитиннэрдэ.

“Дьулурҕан”. 

 

Добавить комментарий

Ваш адрес email не будет опубликован. Обязательные поля помечены *