Күрэс тыҥааһына күүһүрүөҕэ

СӨ «Сахабэчээт» государственнай автономнай тэрилтэ уонна «Далбар Хотун» сурунаал редакцията куйаар ситимин нөҥүө ыытар «Далбар Хотун» күрэстэрэ бу нэдиэлэ бүтэһик күннэригэр тэтимин ылара күүтүллэр. Күрэс  атырдьах ыйын 25 күнүгэр, киэһэ 9 чааска күрэс түмүктэниэҕэ.

Билиҥҥи туругунан (атырдьах ыйын 23 күнэ, сарсыарда 10 чаас) Үөһээ Бүлүү улууһуттан Дария Павлова ылбыт тэтимин ыһыктыбакка, 5163 куолаһы ылан саамай инники күөҥҥэ сылдьар. Кини кэнниттэн Нам Хамаҕаттатыттан Мария Аманатова 5082 куоластаах тилэх баттаһа иһэр. Чурапчы улууһун, Уһун Күөлүттэн кыттар Боя Ноговицына 3747 куоластаах, Горнайтан Полина Осипова 3114 куоластаах. Хаалбыт икки күҥҥэ балаһыанньа хайдах буоларын, этэргэ дылы, биэтэк билиэҕэ, эһиги кыттааччылары хайдах өйүүргүт, тэтимҥитин эбэргит быһаарыаҕа.

Кытаатыҥ, күрэс бүтэһиктээх күннэригэр олорон биэрбэккэ, «Sakha-pechat.ru» сайтка киирэн, күрэс кыттыылааҕын биһирииргитин биллэрэн көхтөөхтүк куоластааҥ.

«Далбар Хотун» сурунаал эрэдээксийэтэ.

 

Комментарии закрыты.