Харалар отчуоту биһирииллэрин эттилэр

Мэҥэ Хаҥалас Хара нэһилиэгэр отчуот иннинэ СӨ тыа хаһаайыстыбатын миниистирин бастакы солбуйааччы Татьяна Осипова агрокластер үлэһиттэрин кытта көрүстэ.


Дэлэгээссийэ бэрэстэбиитэллэригэр Үлдьүҥэхтээххэ бу кыһын саҥа аһыллыбыт И.Г.Игнатьев аатынан икки мэндиэмэннээх оскуола ис бараанын “Хара нэһилиэгэ” МТ баһылыга Дария Назарова көрдөрдө. Отчуот оскуола аактабай саалатыгар туруорулунна. 60-тан тахса киһи муһунна.


Тутууга, айылҕа харыстабылыгар, кустааһыҥҥа, булка, хочуолунай үлэтигэр, өрүһү туоруур тырааныспар тарыыбыгар, 2 бырыһыаннаах ипотекаҕа, оттук сыанатыгар, бырамыысыланнаска, тыа хаһаайыстыбатыгар, оҥорон таһаарар бородууксуйаҕа, сэрии тулаайахтарыгар о.д.а. сыһыаннаах боппуруостар киирдилэр.
Павел Адамов үүт харчытын тута хаһаайыстыбалаах киһиэхэ ыыттарар мэхэниисими тобуларга, Николай Дмитриев Аллараа Бэстээххэ тырааныспар оттугун хаһаанарга резервуар оҥорон, сыананы чэпчэттэрэргэ, Алексей Стручков оскуола аттыгар аччыгый стадион туттарар бырайыагы олоххо киллэриини, Ольга Габышева Үлдьүҥэхтээххэ саҥа маҕаһыын, сыыры тахсарга, түһэргэ анал кирилиэс оҥотторууну туруорсуу быһыытынан эттилэр.

Баһылык Дария Назарова бырабыыталыстыбаҕа махталын тиэртэ, Уһук Илиҥҥи гектар бырагырааманан Сыгынньахха тутулла турар саҥа кыбаарталыгар суоллары туттарыыга көмө оҥорорго, Үлдьүҥэхтээх кыбаартал салгыы сайдарыгар, бөһүөлэк иһинээҕи суолу төрдүттэн тутууга саҥа бырагыраама баар буоларыгар, биэрэпискэ устудьуоннары дойдуларыгар тиийэн, нэһилиэнньэ ахсаанын элбэтэллэригэр баҕа санаатын эттэ.


Ааптар: Виктория Белолюбская.

Сообщение Харалар отчуоту биһирииллэрин эттилэр появились сначала на Ulus.Media — все главные новости из районов Якутии.

Комментарии закрыты.