Көҥүл тустуу: Аронов Кыргызстан чемпиона. Александров Ираҥҥа финалга таҕыста

Бүгүҥҥүттэн Красноярскайга, Д.Г. Миндиашвили аатынан Тустуу академиятын бирииһигэр көҥүл тустууга дьахталларга уонна эр дьоҥҥо Бүтүн Россиятааҕы аһаҕас турнир саҕаланар. Күрэхтэһии бүгүн, тохсунньу 10 күнүгэр саҕаланан баран, сарсын түмүктэнэр. Бу күрэхтэһиигэ кыттааччылар иккилии киилэ ордуктаах буолаллара көҥүллэнэр. Бэҕэһээ, кыттааччылар ыйааһыннаныыны уонна сэрэбиэйи аастылар.

 

 

Биһиги бириэмэбитинэн бүгүн бары ыйааһыннарга барыллааһын хапсыһыылар күнүс 12:00 чаастан саҕаланаллар. Сарсын күрэхтэһии “уоскутар” бөлөх тустууларынан саҕаланан баран, кыайыылаахтары быһаарар хапсыһыыларынан түмүктэнэр.

Бу түһүлгэҕэ Саха сириттэн сүрүннээн эдэр тустууктар кытталлар.

57 кг – Никита Андреев, Альберт Мигалкин, Федор Постников, Дьулус Федотов.

61 кг – Айхан Антонов, Айтал Захаров, Владислав Кривошапкин, Сергей Максимов, Александр Неустроев, Яков Павлов, Андрей Семенов.

65 кг – Ньургун Андреев, Алексей Данилов, Константин Капрынов, Петр Кириллин.

74 кг – Ларион Андреев, Константин Власов, Иван Ефремов.

92 кг – Ньургун Сергин

97 кг – Максим Толмачев.

Тустуу сонуннарын салгыы билиһиннэрдэххэ, Мирнэй ыччата Андрей Аронов 97 киилэҕэ Кыргызстан чемпионунан буолла. Айаал Лазаревпыт (125 кг) бүгүн тустар. Ираҥҥа Тахти кубогар норуоттар икки ардыларынааҕы турнирга Россияттан соҕотоҕун кыттар Ньургун Александров (61 кг) икки иранеһы хотон баран, бүгүн финалга кыттар. Оттон Петр Константинов (57 кг), Арыйан Тютрин (61 кг) уонна Виктор Рассадин (65 кг) Турцияҕа Яшар Догу турнирыгар тусталлар, сарсыҥҥыттан саҕаланар Беларусь Республикатын көҥүл тустууга чемпионатыгар Владислав Андреев, Андрей Бекренев, Ньургун Скрябин кытталлар.

Тустуу сонуннарын билиһиннэрдэххэ итинник. Биһиги сайтпытын кэтии сылдьыҥ. Күрэхтэһиилэр хайдах түмүктэммиттэрин билиһиннэрэн иһиэхпит.

Петр ПАВЛОВ.  

Добавить комментарий

Ваш адрес email не будет опубликован. Обязательные поля помечены *