Көҥүл тустуу: Кинилэр Россия чиэһин көмүскүөхтэрэ

 

Билэргит курдук, балаҕан ыйын 19-21 күннэригэр Казахстан Нур-Султан куоратыгар көҥүл тустууга аан дойду чемпионата ыытыллар. Чемпионакка Россия сүүмэрдэммит хамаандата маннык састаабынан кыттар буолла:

57 кг Заур Угуев – Дагестан

Сааһа 24-дэ. Тренерэ – Шеме Шемеев. Россия спордун үтүөлээх маастара.

Россия чемпиона, Европа чемпионатын үрүҥ көмүс призера, аан дойду чемпиона (2018), Европа оонньууларын боруонса призера (2019). Аан дойду чемпионатыгар үсүһүн кыттар.

Сүрүн утарсааччыларынан Сулейман Атли (Турция), Эрдэнэбат Бехбаяр (Монголия), Юки Такахаши (Япония), Махир Амирасланов (Азербайджан), Дэйтон Фикс (АХШ) буолуохтара.

Билгэлээһин: чемпионнуур кыахтаах.

61 кг Магомедрасул Идрисов – Дагестан

Сааһа 23-һэ. Тренерэ – Али Исхаков. Норуоттар икки ардыларынааҕы кылаастаах спорт маастара.

Россия икки төгүллээх чемпиона (2018, 2019). И.Ярыгин аатынан норуоттар икки ардыларынааҕы Гран-при турнир кыайыылааҕа, А.Алиев турнирын иккис призера, Европа оонньууларын кыттыылааҕа (2019).

Сүрүн утарсааччылара: Йовлис Бонне (Куба), Бека Ломтадзе (Грузия), Ахмеднаби Гварзатилов (Азербайджан), Николай Охлопков (Румыния).

Билгэлээһин: бириистээх миэстэҕэ киириэн сөп.

65 кг Гаджимурад Рашидов – Дагестан

Сааһа 23-һэ. Тренерэ – аҕата Гаджи Рашидов. Норуоттар икки ардыларынааҕы кылаастаах спорт маастара.

Аан дойду чемпионатын үрүҥ көмүс призера (2017, 2018). Россия чемпиона, аан дойду Кубогын кыайыылааҕа (2019).

Сүрүн утарсааччылара: Такуто Отогуро (Япония), Хаджи Алиев (Азербайджан), Бажранг Пуния (Индия), Владимир Хинчегашвили (Грузия).

Билгэлээһин: бириистээх миэстэҕэ киирэр кыахтаах.

70 кг Давид Баев – Хотугу Осетия

Сааһа 21-рэ. Тренерэ – Марат Цакаев. Норуоттар икки ардыларынааҕы кылаастаах спорт маастара.

23-гэр диэри саастаахтарга аан дойду күрэхтэһиитин иккис призера (2018), Россия чемпионатын боруонса призера (2017, 2018), Аан дойду Кубогын кыайыылааҕа, Россия чемпиона (2019).

Сүрүн утарсааччылара: Зураб Якобашвили (Грузия), Нуркожа Кайпанов (Казахстан), Джеймс Грин (АХШ), Хайдар Явуз (Турция).

Билгэлээһин: бириистээх миэстэҕэ киирэр кыахтаах.

74 кг Заурбек Сидаков – Хотугу Осетия

Сааһа 23-һэ. Тренерэ – Тотраз Арчегов. Россия спордун үтүөлээх маастара.

Россия икки төгүллээх чемпиона (2017, 2018), аан дойду чемпиона (2018), аан дойду Кубогын кыайыылааҕа, Европа оонньууларын чемпиона (2019).

Сүрүн утарсааччылара: Джордан Барроуз (АХШ), Франк Чамизо (Италия), Сонер Демиртас (Турция), Бекзод Абдурахмонов (Узбекистан).

Билгэлээһин: чемпионнуон сөп.

 

 

 

 

 

 

 

 

 

79 кг Гаджи Набиев – Дагестан

Сааһа 24-дэ. Тренерэ – Алимурза Алиев. Норуоттар икки ардыларынааҕы кылаастаах спорт маастара.

Россия чемпионатын үрүҥ көмүс призера (2017), Россия чемпионатын боруонса призера, “Аланнар” норуоттар ики ардыларынааҕы турнир кыайыылааҕа (2018), Россия чемпиона, В.Циолковскай аатынан турнир кыайыылааҕа (2019).

Сүрүн утарсааччылара: Кайл Дэйк (АХШ), Джамалудин Гасанов (Азербайджан), Бахнам Теймури (Иран), Галымжан Усербаев (Казахстан).

Билгэлээһин: боруонса мэтээли ыллаҕына ситиһии буолуо.

86 кг Артур Найфонов – Хотугу Осетия

Сааһа 22-тэ. Тренерэ – Тотраз Арчегов. Норуоттар икки ардыларынааҕы кылаастаах спорт маастара.

Европа чемпиона (2018), Россия чемпиона, В.Циолковскай аатынан норуоттар икки ардыларынааҕы турнир кыайыылааҕа (2019).

Сүрүн утарсааччылара: Хассан Яздани (Иран), Али Шабанов (Беларусь), Юриеску Торребланко (Куба).

Билгэлээһин: бириистээх миэстэҕэ киирэр кыахтаах.

92 кг Алихан Жабраилов – Дагестан

Сааһа 25-һэ. Тренерэ – И.Алиев. Россия спордун маастара.

Эдэрдэргэ аан дойду күрэхтэһиитин кыайыылааҕа (2017), Россия чемпионатын боруонса призера (2018), А.Алиев аатынан норуоттар икки ардыларынааҕы турнир иккис призера, Россия чемпиона (2019).

Уруккута биллиилээх бөҕөс, аан дойду чемпиона Лукман Жабраилов төрөппүт уола.

Сүрүн утарсааччылара: Шарип Шарипов (Азербайджан), Джейден Кокс (АХШ), Алиреза Карими (Иран).

Билгэлээһин: боруонса мэтээли ыллаҕына ситиһии буолуо.

97 кг Абдулрашид Садулаев – Дагестан

Сааһа 25-һэ. Тренерэ – Шамиль Омаров. Спорт үтүөлээх маастара.

Олимпийскай чемпион (2016), аан дойду үс төгүллээх чемпиона (2014, 2015, 2018), аан дойду чемпионатын үрүҥ көмүс призера (2017). Европа чемпиона, Европа оонньууларын кыайыылааҕа (2019).

Сүрүн утарсааччыта: олимпийскай чемпион Кайл Снайдер (АХШ).

Билгэлээһин: чемпионнуур кыахтаах.

125 кг Алан Хугаев – Хотугу Осетия

Сааһа 28-һа. Тренерэ – Цезарь Тибилов. Норуоттар икки ардыларынааҕы кылаастаах спорт маастара.

Европа чемпионатын үрүҥ көмүс призера (2014), Россия чемпиона (2013, 2019), Польшатааҕы В.Циолковскай турнирын призера (2019).

Сүрүн утарсааччылара: Гено Петриашвили (Грузия), Таха Акгуль (Турция), Ядолла Мохеби (Иран), Ник Гвиаздовски (АХШ).

Билгэлээһин: бириистээх миэстэҕэ киирдэҕинэ баһыыба.

Хамаанда кылаабынай тренерэ: Дзамболат Ильич Тедеев.

Көстөрүн курдук, Заур Угуев, Гаджимурад Рашидов, Заурбек Сидаков, Абдурашид Садулаев – аан дойду чемпионатыгар тустубут үөрүйэхтээхтэр. Оттон Магомедрасул Идрисов, Давид Баев, Гаджи Набиев, Артур Найфонов, Алихан Жабраилов, Алан Хугаев – аан дойду чемпионатыгар аан маҥнай кытталлар.

Петр ПАВЛОВ.

 

Добавить комментарий

Ваш адрес email не будет опубликован. Обязательные поля помечены *