“Коркинныы олоруохха! Коркинныы айыахха!” быыстапкаҕа ыҥырабыт

Саха норуотун Аар саарга аатырдыбыт тренербит Дмитрий Петрович Коркин үөрэнээччилэрэ Илларион Федосеев уонна Семен Макаров Америкаҕа, Боулдер куоракка Аан дойдутааҕы оҕолор бастакы күрэхтэһиитигэр кыайыыларын үйэ аҥардаах үбүлүөйүгэр, Монреаллааҕы Олимпийскай оонньуу үрүҥ көмүс  призера Александр Иванов Чурапчы интернатоскуолатын бүтэрбитин 50 сылыгар, олимпийскай чемпион Павел Пинигин оскуоланы бүтэрбитэ 50 сылын көрсө “Коркинныы олоруохха! Коркинныы айыахха!” республикатааҕы быыстапкаҕа эһигини күүтэбит.

Эһиги кэрэхсэбилгитигэр Чурапчытааҕы Д.П. Коркин аатынан Тустуу Албан аатын мусуойун (Н.Н. Гуляев, Е.В. Пудов) төрүттээччи Константин Сергеевич Постников 1985 сыллаахха бэйэтин илиитинэн оҥорбут экспонаттарыттан саҕалаан, саха тустуутун оскуолата Россия, Аан дойду, Олимпийскай оонньуу таһымыгар тахсыбыт матырыйаалларын, олимпиецтар Александр Иванов, Павел Пинигин,  Роман Дмитриев сэдэх экспонаттарын, спорду сырдатааччылар Владислав Коротов, Петр Павлов, спорт биллиилээх салайааччыта уонна тэрийээччитэ, коллекционер Михаил Друзьянов, биллиилээх бөҕөс, спорт үтүөлээх маастара Василий Гоголев экспозицияларын көрүөххүт.

Быыстапканы тэрийээччилэр:

“Строительнай” атыы-эргиэн киинэ;

Д.П. Коркин аатынан Чурапчытааҕы республиканскай Олимпийскай эрэллэри бэлэмниир оскуола-интернат;

Р.М. Дмитриев аатынан Олимпийскай эрэл училищета;

“Саха” НКИК “Хотуг сулус” оҕо теле-радиоакадемията.

Быыстапка буолар сирэ:

Дьокуускай куорат, Жорницкай уул. 35 №-дээх дьиэтэ, “Строительнай” Атыы-эргиэн киинин Быыстапкалыыр саалата.

Быыстапка бырагыраамата:

Балаҕан ыйын 9 күнэ (бэнидиэнньик):

10:00-18:00 – “Коркинныы  олоруохха! Коркинныы айыахха!” быыстапка үлэлиир.

12:00-17:00 – “Саха” национальнай көрдөрөр-иһитиннэрэр хампаанньа саха тустуутун, Павел Пинигин, Александр Иванов, Илларион Федосеев архыыптарыттан чаҕылхай түгэннэрэ.

Балаҕан ыйын 10 күнэ (оптуорунньук):

10:00-18:00 – “Коркинныы олоруохха! Коркинныы айыахха!”  быыстапка үлэлиир.

12:00 – “Коркинныы  олоруохха, Коркинныы айыахха!” республикатааҕы быыстапка үөрүүлээхтик аһыллыыта.

14:00 – Монреаллааҕы Олимпиада үрүҥ көмүс призера Александр Иванову кытта уонна кини бииргэ үөрэммит доҕотторо, ССРС спордун маастардара: Семен Макаров, Семен Окоемов, Семен Морфунов. Гаврил Каприн, Егор Черкашин, Симон Бойнов, Семен Ючюгяев уо.д.а. кытта көрсүһүү.

18:00 – Чурапчытааҕы оҕо спортивнай интернат-оскуолатын араас сылларга үөрэнэн бүтэрбит выпусниктар “Оҕо сааспыт томторо, өрүү биһиги сүрэхпитигэр” — төгүрүк остуол.

Балаҕан ыйын 11 күнэ (сэрэдэ):

10:00-18:00 – “Коркинныы олоруохха! Коркинныы айыахха!” быыстапка үлэлиир.

11:00-18:00 – “Саха” национальнай көрдөрөр-иһитиннэрэр хампаанньа архыыбыттан саха тустуутун чаҕылхай түгэннэрэ.

14:00 – Спортивнай  суруналыыс Владислав Коротов Монреаллааҕы Олимпиада үрүҥ көмүс призера Александр Иванов туһунан уонна Саха сирин тустуутугар анаан бэлэмнээн таһаарбыт кинигэлэрин, альбомнарын тула аһаҕас кэпсэтии.

Балаҕан ыйын 12 күнэ (чэппиэр):

10:00-18:00 – “Коркинныы олоруохха! Коркинныы айыахха!” быыстапка үлэлиир.

11:00-18:00 – “Саха” национальнай көрдөрөр-иһитиннэрэр хампаанньа архыыбыттан саха тустуутун чаҕылхай түгэннэрэ.

14:00 — Спортивнай суруналыыс, “Дьулурҕан” хаһыат редактора Петр Павлов “Саха сирин тустуутун сайдыытыгар спортивнай суруналыыстар оруоллара” диэн Вячеслав Степанов, Егор Неймохов, Владимир Варламов, Николай Босиков, Иван Ушницкай, Афанасий Чой уо.д.а. тустууну сырдатыыга үлэлэрин туһунан сэһэргэһии;

16:00 – Д.П. Коркин үөрэнээччитэ, ССРС спордун маастара, спортивнай тэрийээччи, салайааччы, краевед, коллекционер Михаил Егорович Друзьяновтыын көрсүһүү.

Балаҕан ыйын 13 күнэ (бээтинсэ):

10:00-18:00 – “Коркинныы олоруохха! Коркинныы айыахха!” быыстапка үлэлиир.

11:00-18:00 – “Саха” национальнай көрдөрөр-иһитиннэрэр хампаанньа архыыбыттан саха тустуутун чаҕылхай түгэннэрэ.

14:00 – Олимпийскай чемпион, Ил Түмэн депутата Павел Павлович Пинигинныын көрсүһүү.

16:00 – Олимпийскай чемпион Павел Пинигинныын интернат-оскуолаҕа 1970 сыллаахха бииргэ үөрэнэн бүтэрбит доҕотторун, ССРС спордун маастардарын уонна кандидаттарын кытта көрсүһүү (Афанасий Захаров, Михаил Друзьянов, Николай Иванов, Алексей Окоемов, Валерий Николаев, Валерий Винокуров, Михаил Васильев, Николай Гурьев, Иннокентий Свинобоев, Альберт Севастьянов, Николай Соловьев, Виктор Соломов, Петр Флегонтов, Николай Яковлев уо.д.а.)

Балаҕан ыйын 14 күнэ (субуота):

10:00-18:00 – “Коркинныы олоруохха! Коркинныы айыахха!” быыстапка үлэлиир.

11:00-18:00 – “Саха” национальнай көрдөрөр-иһитиннэрэр хампаанньа архыыбыттан саха тустуутун чаҕылхай түгэннэрэ.

12:00 – ССРС үс, Европа икки төгүллээх чемпиона, Үтүө Дьулуур оонньуутун кыайыылааҕа, ССРС спордун үтүөлээх маастара Василий Николаевич Гоголевтыын көрсүһүү.

14:00 – Д.П. Коркин аатынан Чурапчытааҕы республиканскай Олимпийскай эрэллэри бэлэмниир оскуола-интернат дириэктэрэ Николай Николаевич Гуляевы уонна спортивнай Албан аат мусуойун дириэктэрэ Егор Васильевич Пудовы кытта көрсүһүү;

Балаҕан ыйын 15 күнэ (баскыһыанньа):

10:00-18:00 – “Коркинныы олоруохха! Коркинныы айыахха!” быыстапка улэлиир.

11:00-18:00 – “Саха ” национальнай көрдөрөр-иһитиннэрэр хампаанньа архыыбыттан саха тустуутун чаҕылхай түгэннэрэ.

12:00 – Саха тустуутун сайдыытын кэрдиис кэмнэрин кэрэһиттэрэ, тустуу бэтэрээннэрин кытта көрсүһүү.

Балаҕан ыйын 16 күнэ (бэнидиэнньик):

10:00-15:00 – “Коркинныы олоруохха! Коркинныы айыахха!” быыстапка үлэлиир.

12:00 – “Коркинныы олоруохха, Коркинныы айыахха!” республикатааҕы быыстапка улэтин үөрүүлээхтик түмүктээһин.

Быыстапка продюсера: Саха Республикатын култууратын үтүөлээх үлэһитэ Татьяна Афанасьевна Гоголева.

Добавить комментарий

Ваш адрес email не будет опубликован. Обязательные поля помечены *