«КЫАЙЫЫ БАСТЫҤ АЙЫМНЬЫТА-75» литература күрэһин торума

 

Быйыл, 2020 сылга, биһиги төрөөбүт дойдубут 1941-1945 сыллардааҕы Аҕа дойду Улуу сэриитигэр Улуу Кыайыытын 75 сылын бэлиэтиир. Сэрии уонна Кыайыы – бу кыргыс уонна үлэ хонуутугар дьоһуннук уонна хорсуннук ытык иэһин толорбут бүттүүн сэбиэскэй норуот өйүн-сүрэҕин албан аатын чаҕылхай көстүүтэ буолар.

Сахалыы уонна нууччалыы суруйар суруйааччылары, литератордары, литература түмсүүлэрин кыттыылаахтарын уонна бары айар үлэни кэрэхсээччилэри «КЫАЙЫЫ БАСТЫҤ АЙЫМНЬЫТА-75» литература күрэһигэр кыттарга ыҥырабыт.

Күрэс сыала:

— Аҕа дойду Улуу сэриитигэр аҕа дойдубутун көмүскээн сэриигэ кыттыбыт буойуннары үйэтитии;

— уус-уран литература бастыҥ айымньыларын киэҥник билиһиннэрии уонна тарҕатыы;

— литератураҕа саҥа ааттары көрдөөн булуу уонна өйөбүл;

— патриоттыы тыыннаах уус-уран айымньылар айылларын көҕүлээһин.

Күрэс соруга:

— Саха сирин аныгы литературатын эйгэтиттэн Аҕа дойду Улуу сэриитин кыттыылаахтарын уонна тыыл үлэһиттэрин туһунан саҥа айымньылардаах ааптардары булуу;

— уус-уран литератураҕа патриоттыы идеялар нөҥүө Аҕа дойду Улуу сэриитин кытта ситимнээх биир дойдулаахтарбыт ааттарыгар уонна буолбут түбэлтэлэргэ ытыктабылы үөскэтии.

Күрэс Саха Өрөспүүбүлүкэтин икки судаарыстыбаннай тылынан, түөрт хайысханан барар:

  1. ««ЧОЛБОН» уонна «ПОЛЯРНАЯ ЗВЕЗДА» литература уус-уран сурунаалларыгар 2015 сыл тохсунньу ыйыттан 2020 сыл балаҕан ыйыннааҕы нүөмэрдэрин хабан туран бэчээттэммит Аҕа дойду Улуу сэриитигэр сыһыаннаах бастыҥ айымньылар» (ыйыллыбыт кэмҥэ тахсыбыт үлэлэри «ЧОЛБОН» уонна «ПОЛЯРНАЯ ЗВЕЗДА» сурунааллар эрэдээксийэлэрэ бэйэлэрэ түмэн Тэрийээччилэргэ тиксэрэллэр);
  2. «Аҕа дойду Улуу сэриитигэр сыһыаннаах саҥа уус-уран айымньылар».

Ыытыллар кэмэ: 09.05.2020-03.09.2020

Түмүгү таһаарыы (Тэрийэр бөлөх уонна Дьүүллүүр сүбэ үлэлэрэ): 15.08.2020-15.09.2020

Кыайыылаахтары бэлиэтээһин: 27.09.2020, Дьокуускай куорат.

Хабар эйгэтэ: 18 саастарын туолбут, сахалыы уонна нууччалыы суруйар суруйааччылар, литератордар, литература түмсүүлэрин кыттыылаахтара уонна бары литератураны кэрэхсээччилэр.

Күрэскэ кыттыы ирдэбилэ:

  1. Күрэс торумун үөрэтии;
  2. Күрэскэ кыттар үлэ торумҥа сөп түбэһиэхтээх;
  3. Үлэлэргитин Тэрийэр бөлөххө 2020 сыл балаҕан ыйын 3 күнүгэр диэри uluu.kyajyy75@mail.ru электроннай почтаҕа «Улуу Кыайыы-75» эбэтэр «ЮБИЛЕЙ ПОБЕДЫ-75» диэн бэлиэтээн ыытыҥ.

Күрэс ирдэбилэ:

  1. Роман, сэһэн, кэпсээн, новелла, драма, поэма, хоһоон бөлөҕүн көрүҥнэригэр суруллубут үлэлэри тутабыт;
  2. Күрэс кыттааччы быһаччы үлэлэрин (хаартыскатын, кини туһунан чахчылары) Тэрийэр бөлөх рекламаҕа, экспозицияҕа уонна PR эйгэтигэр туһанарыгар көҥүл биэрэрин мэктиэлиир;
  3. Уус-уран айымньыга күрэс сүрүн санаата – 1941-1945 сыллардааҕы Аҕа дойду Улуу сэриитин кэминээҕи улуус, Саха Өрөспүүбүлүкэтин эбэтэр Россия Федерация историятын, норуот уонна биирдиилээн дьон кыргыс уонна үлэ хонуутугар Улуу Кыайыы туһугар киллэрбит кылааттарын үйэтитии;
  4. Ааптар үөһэ ыйыллыбыт литература көрүҥнэригэр чопчу биир эрэ айымньынан кыттар бырааптаах;
  5. Күрэскэ кыттар үлэттэн маннык өрүттэр ыйыллаллара ирдэнэр:
  • Ааптар араспаанньата, аата, аҕатын аата;
  • Күрэскэ кыттар үлэ ааттаах буолуохтаах;
  • Кыттааччы төрөөбүт күнэ-дьыла;
  • Кыттааччы үөрэҕэ, үлэлиир сирэ, идэтэ;
  • Олорор сирин почтовай аадырыһа;
  • Төлөпүөн нүөмэрэ;
  • Электроннай почта.
  1. Күрэскэ сыаналааһын сүнньэ:
  • Айымньы күрэс ис хоһоонугар сөп түбэһиэхтээх;
  • Айымньы уус-уран таһыма;
  • Айымньы идеятын уонна ис хоһоонун уратыта;
  • Айымньы суруллубут ньымата уонна суруйуу хаачыстыбата.

Күрэс торумун кытта сиһилии сайт, Instagram, Facebook социальнай ситимнэр нөҥүө «БИИР НЬЫГЫЛ РОССИЯ» партия Саха сиринээҕи салаатыттан, «ЧОЛБОН» уонна «ПОЛЯРНАЯ ЗВЕЗДА» уус-уран литература сурунаалларын эрэдээксийэлэриттэн билсиэххитин сөп.

Күрэс тэрийээччилэрэ:

— «БИИР НЬЫГЫЛ РОССИЯ» партия Саха сиринээҕи салаатын «Историческая память» партия бырайыага,

— «ЧОЛБОН» уонна «ПОЛЯРНАЯ ЗВЕЗДА» сурунааллар эрэдээксийэлэрэ (тэрийэн таһаарааччы СӨ «САХАБЭЧЭЭТ» судаарыстыба автономиялыы тэрилтэтэ).

Дьүүллүүр сүбэ уонна Тэрийэр бөлөх: Дьүүллүүр сүбэҕэ суруйааччылар, литература кириитиктэрэ, Тэрийэр бөлөххө уопсастыбаннай тэрилтэлэр, компаниялар, фирмалар салайааччылара киириэхтэрэ (Тэрийэр бөлөх хас биирдии кыттааччы үлэтин Дьүүллүүр сүбэҕэ анал нүөмэрдээн биэрэр).

Түмүгү таһаарыы уонна кыайыылаахтары бэлиэтээһин:

  1. Хас биирдии хайысхаҕа күрэс кыайыылааҕынан – 12 ааптары (онтон 6 сахалыы тылынан суруйар, 6 – нууччалыы тылынан) Дьүүллүүр сүбэ быһаарыаҕа. Ону таһынан Дьүүллүүр сүбэ этиитинэн Тэрийэр бөлөх анал ааттары олохтуон сөп.
  2. Кыайыылаахтар Дьокуускай куоракка үөрүүлээх быһыыга-майгыга наҕараадаланыахтара. Тэрийэр бөлөх кыайыылаахтар кэлэр-барар, олорор ороскуоттарын уйуммат.
  3. Күрэс хас биирдии кыттааччытыгар туоһу сурук, оттон финалистарга диплом, өйдөбүнньүк бэлэх туттарыллыаҕа. Кыайыылаахтар уонна финалистар айымньылара анал хомуурунньукка тахсыахтара.
  4. Кыайыылаахтар кинигэ таһааттарарга сертификат тутуохтара. Кыайыылаахтар уонна финалистар үлэлэрэ «ЧОЛБОН», «ПОЛЯРНАЯ ЗВЕЗДА» уус-уран литература сурунаалларыгар, «САХАБЭЧЭЭТ» Саха Өрөспүүбүлүкэтин судаарыстыба автономиялаах тэрилтэтин сайтыгар уо.д.а. сонуну киэҥник тарҕатар эйгэлэргэ бэчээттэниэхтэрэ.
  5. Ааптар үлэтэ Тэрийэр бөлөх нөҥүө бэчээттэннэҕинэ гонорар ылбат.

Күрэс электроннай аадырыһа: uluu.kyajyy75@mail.ru

Күрэһи сүрүннээччилэр: Саргылаана Александровна Неустроева (б.т. 89626946704); Гаврил Гаврильевич Андросов (б.т. 89244649815).

 

Добавить комментарий

Ваш адрес email не будет опубликован. Обязательные поля помечены *