Кэбэргэнэ олохтоохторо биир дойдулаахтарыгар көмөлөһөллөр

Абый оройуонун Кэбэргэнэ нэһилиэгэр инбэлииттэр декадаларын чэрчитинэн «Аһымал аахсыйа» кэнсиэрэ үрдүк таһымнаахтык ааста.


Төрүт өбүгэ саҕаттан аһыныгас, бэйэ-бэйэни өйөһөн, көмөлөһөн кэлбит үтүө үгэһин тутуһан, көр-күлүү биэчэрэ тэрилиннэ. Биэчэргэ сайын уһуллубут кылгас кээмэйдээх комедия сүрэхтэниитэ буолла. Кэнсиэри музыкальнай нүөмэрдэринэн, ансаамбыллар үҥкүүлэринэн, ылбаҕай ырыаларынн киэргэттилэр.

Киирбит 11 тыһ. 200 солк. сууманан Дьокуускай куоракка балыыһаҕа көрдөрүнэ барарыгар Шеловникова Римма5а көмө оҥоһулунна.

Аһымал аахсыйаҕа, кэнсиэргэ кыттыбыт биир дойдулаахтарыгар, көрөөччүлэргэ  Римма төрөппүттэрэ махталларын тириэрдэллэр. Аһыныгас, амарах санаалаах бар дьон оҥорбут үтүөлэрэ сүүс төгүл бэйэлэригэр эргиллэн кэллин диэн санааларын этэллэр.

Алдаан Свешников, Кэбэргэнэ.

Сообщение Кэбэргэнэ олохтоохторо биир дойдулаахтарыгар көмөлөһөллөр появились сначала на Ulus.Media — все главные новости из районов Якутии.

Комментарии закрыты.