«Молодая гвардия» кинигэ кыһатыгар Семен Данилов туһунан кинигэ таҕыста

Москваҕа «Молодая гвардия» кинигэ кыһатын аатырбыт «Бэлиэ дьон олохторо» («Жизнь замечательных людей») сериятыгар бэһис саха киһитин – РСФСР М. Горькай аатынан судаарыстыбаннай бириэмийэтин лауреата, Саха АССР норуотун поэта, Саха сирин Суруйааччыларын сойууһун бырабылыанньатын бэрэссэдээтэлинэн талыллан үлэлээбит Семен Петрович Данилов олоҕун, айар үлэтин уонна туруулаһытын туһунан кинигэ бэчээттэнэн таҕыста. Бу үлэни кини туйах хатарааччыларыттан биирдэстэрэ, Саха сирин Суруйааччыларын сойууһун бырабылыанньатын бэрэссэдээтэлэ, норуот поэта Наталья Харлампьева өр сылларга хомуйбут матырыйаалларыгар тирэнэн суруйда. Сэбиэскэй Сойуус биир чаҕылхай национальнай поэттарыттан биирдэстэрэ Семен Данилов туһунан кинигэ Саха Өрөспүүбүлүкэтин салалтатын, Горнай улууһун  уонна М.К. Аммосов аатынан Хотугулуу-Илиҥҥи судаарыстыбаннай университет өйөбүллэринэн күн сирин көрдө.

Добавить комментарий

Ваш адрес email не будет опубликован. Обязательные поля помечены *