Мэҥэ Хаҥаласка оттооһун хаамыыта ортоку кирбиитин аһарда

Атырдьах ыйын 12 күнүнээҕи туругунан, оттооһун былаана Мэҥэ Хаҥалас улууһун үрдүнэн 57 бырыһыан туолан иһэр. Былаанынан 45494 туонна от оттонуохтаах. Сабаҕалааһын 37499 туонна буоллаҕына, 68 бырыһыан тахсар.


Мэҥэ Хаҥалас улууһугар кэтэх хаһаайыстыбалар 14790, бааһынай хаһаайыстыбалар 7862, кэпэрэтииптэр 2995 туонна оту оттоотулар.

50 бырыһыан кирбиитин аһарбыт нэһилиэктэринэн буоллулар: Баатара (былаана 1604 туонна уонна туолуута 86 бырыһыан), Холгума (786 уонна 82%), Дойду (413 уонна 75), Нөөрүктээйи (2375 уонна 72), Чыамайыкы (1450 уонна 70), Дьаҥхаады (2062 уонна 69), 1-кы Наахара (1163 уонна 67), Доллу (1950 уонна 66), 1-кы Тыыллыма (1273 уонна 66), Хаптаҕай (1572 уонна 66), Мэҥэ (1990 уонна 65), Араҥас (820 уонна 64), Ороссолуода (680 уонна 64), Томтор (1590 уонна 63), Ходоро (1791 уонна 61), Бүтэйдээх (2028 уонна 56), Хорообут (2929 уонна 54), Догдоҥо (885 уонна 53), Мэлдьэхси (1480 уонна 53), Мөҥүрүөн (1367 уонна 52%).

Тэрээһиннээх хаһаайыстыбалартан Маттаҕа «Кырдал» кэпэрэтиип (былаана 58 туонна уонна туолуута 129 бырыһыан), Хорообукка «Хорообут» хааччахтаммыт эппиэтинэстээх хаһаайыстыба (921 уонна 87%), Балыктаахха сүөһү көрүүтүн өҥөтүн оҥорор «Хаххах» кэпэрэтиип (656 уонна 59), Павловскайга М.Егоров аатынан ХЭУо (446 уонна 56), Чүүйэҕэ «Чүүйэ» муниципальнай хаһаайыстыба (610 уонна 53%) инники күөҥҥэ иһэллэр.

Ааптар: «Эркээйи» хаһыат

Сообщение Мэҥэ Хаҥаласка оттооһун хаамыыта ортоку кирбиитин аһарда появились сначала на Ulus.Media — все главные новости из районов Якутии.

Комментарии закрыты.