Никаноров түһүлгэтин сүрүн бирииһин Эрчим Баппаҕай сүүйдэ

Ааспыт өрөбүл күннэргэ Горнай улууһун киинигэр Бэрдьигэстээххэ, спорт төрүт көрүҥнэрин көҕүлээччи, республикатааҕы категориялаах судьуйа, “Сахаада-Спорт” ассоциация лауреата Дмитрий Никаноров кэриэһигэр мас-рестлиҥҥэ республикатааҕы X турнир ыытылынна. Турнир састаап өттүнэн күүстээх буолла. Ол курдук, ааспыт нэдиэлэҕэ Польшаҕа түмүктэммит аан дойду Кубогын күрэхтэһиитигэр Россия сүүмэрдэммит хамаандатын аатыттан кыттыбыт мадьыныларбыт дойдуларыгар кэлээт, Горнай түһүлгэтигэр кыттыыны ыллылар.

 

Үбүлүөйдээх түһүлгэҕэ 13 хамаандаттан 132 спортсмен күрэс былдьаста. Кылаабынай судьуйанан П.В. Колодезников, кылаабынай секретарынан М.Н. Анисимова үлэлээтилэр. Кыайыылаахтар харчынан бириис быһыытынан туоһу суруктарынан наҕараадаланнылар. Күрэхтэһии түмүктэниитэ эр дьон бөлөҕөр чемпионнаабыттарга лотерея оонньоммутугар, “Охотник” маҕаһыынтан 30 тыһ. солк. сертификаты биллиилээх мадьыны Эрчим Баппаҕай сүүйдэ.

Икки күннээх күрэхтэһии түмүгүнэн ыйааһыннарыгар кыайыылаахтарынан уонна призердарынан буоллулар:

Эр дьоҥҥо

60 кг: 1. Дмитрий Саввин, 2. Арылхан Егоров (иккиэн – Модун), 3. Дмитрий Неустроев (Амма).

65 кг: 1. Ариан Григорьев (Модун, Үөһээ Бүлүү), 2. Герман Слепцов, 3. Артем Зорин (иккиэн – Модун).

70 кг: 1. Валерий Никаноров (ХИФУ), 2. Иннокентий Попов (Таатта), 3. Тимофей Большаков (Сунтаар).

75 кг: 1. Василий Захаров, 2. Ян Румянцев (иккиэн – Модун), 3. Дьулустан Деллохов (Үөһээ Бүлүү).

80 кг: 1. Семен Атаков (ХИФУ), 2. Дьулуур Климовскай, 3. Айсен Семенов (иккиэн – Модун).

90 кг: 1. Владимир Никитин, 2. Дмитрий Макеев (иккиэн – Модун), 3. Ариан Мярин (ХИФУ).

105 кг: 1. Дмитрий Попов (Уус Алдан), 2. Юрий Протопопов, 3. Данил Моисеев (иккиэн – Модун).

+105 кг: 1. Эрчим Баппаҕай (Модун), 2. Семен Степанов (Таатта), 3. Евгений Попов (ЯГСХА).

Дьахталларга:

55 кг: 1. Алина Ларионова (Уус Алдан), 2. Евгения Каленкова (Горнай), 3. Анастасия Соколова (Модун).

65 кг: 1. Наталья Черноградская, 2. Сардаана Андреева (иккиэн – Модун), 3. Норайана Трофимова (Амма).

75 кг: 1. Елена Евсеева, 2. Валентина Шестакова (иккиэн – Модун), 3. Анна Григорьева (Амма).

85 кг: 1. Лидия Слепцова (Уус Алдан), 2. Татьяна Попова (Амма), 3. Мария Васильева (Таатта).

Бэтэрээннэргэ:

75 кг: 1. Еремей Бубякин (Уус Алдан), 2. Виталий Атастыров, 3. Николай Никаноров (иккиэн – Мэҥэ Хаҥалас).

+75 кг: 1. Анатолий Баишев (Амма), 2. Евгений Бережнов (Горнай), 3. Василий Слепцов (Амма).

“Дьулурҕан”.

Сандал Никаноров хаартыскаҕа түһэриитэ.

Добавить комментарий

Ваш адрес email не будет опубликован. Обязательные поля помечены *