Өлөөннөөҕү «Меван» лааҕыр үлэ түмүгүттэн астынар

Өлөөн нэһилиэгэр оскуола иһинэн «Меван» лааҕыр сайыны быһа икки сезонунан үлэлээтэ. Хоту сир кылгас сайыныгар оҕолор оҕуруот аһын үүннэрэн, үгүһү биллилэр, үлэ сатабылларыгар үөрэннилэр.


Өлөөн оҕолоро оҕуруот үлэтигэр бары бииргэ үлэлээн, уу кутан, сыыс от ыраастаан туһалара баһаам. Аны сибэкки арааһын үүннэрэн көрдүлэр-харайдылар. Ким түмсүүлээх – ол кыайыылаах диэн өйдөбүлүнэн салайтаран, үлэни бары көмөлөөн, саба түһэн кыайдылар.

Быйылгы көрдөрүү түмүгүнэн: оҕурсу – 50 киилэни, помидор – 40 киилэ, минньигэс биэрэс – 4 киилэни ыллылар. Эрэдиискэни 3 төгүлүн үүннэрдилэр. Лааҕыр салайааччылара Мария Ивановна уонна Наталья Петровна биэрэс рассадатын бэрсибит нэһилиэк ытык кырдьаҕаһыгар Варвара Васильевна Семеноваҕа дириҥ махталларын тиэрдэллэр.

Ааптар: Эльвира ЯКОВЛЕВА

Сообщение Өлөөннөөҕү «Меван» лааҕыр үлэ түмүгүттэн астынар появились сначала на Ulus.Media — все главные новости из районов Якутии.

Комментарии закрыты.