Өлөөннөөҕү «Эннэкээн» оҕо саадыгар «Оройуон күнүн» бэлиэтээтилэр

Өлөөн улууһун «Эннэкээн» оҕо саадыгар «Оройуон күнүгэр» уонна кырдьаҕастар декадаларыгар аналлаах тэрээһин ыытылынна.


Дьоро тэрээһин оройуон гимнинэн аһылынна. Эбээлэргэ, эһээлэргэ анаан эҕэрдэ концертарын оҕолор көрдөрдүлэр. Хотугулуу матыыптаах «Таба үҥкүүтэ», « Кумалааннаах үҥкүү» нүөмэрдэри толордулар, эбэҥкилии хоһооннору ааҕан сүргэлэрин көтөхтүлэр. Дьэ, ол кэннэ «Чэйин, эрэ, эбээлэр, эһээлэр» күрэх саҕаланна. Араас түһүмэхтэрдээх, көрдөөх-күлүүлээх куонкурус үрдүк таһымнаахтык ааста. Бары көхтөөхтүк кыттан санаалара көнньүөрэн, үөрүүлэрэ үксээтэ.

Биһиги уһуйаан саамай күндү ыалдьытын, хос эбээни Полина Васильевнаны киэн тутта бэлиэтиибит. Эбээлэргэ, эһээлэргэ махтал суруктары, оҕолор бэйэлэрэ оҥорбут открыткаларын туттардыбыт. Ол кэннэ итии чэйдээх остуол тула эбээлэри, эһээлэри кытта санаа үллэһиннибит. Хотугулуу национальнай оонньуулары ыыттыбыт. Эбэҥкилии «Һээдьэ», «Йохарье» үҥкүүлэри толорон тарҕастыбыт. Түгэнинэн туһанан Өлөөммүт олохтоохторун оройуоммут күнүнэн уонна ытык-мааны кырдьаҕастарбытын эҕэрдэлиибит! — диир иитээччи Елена Софронова.

«Сардаҥа» хаһыат

Сообщение Өлөөннөөҕү «Эннэкээн» оҕо саадыгар «Оройуон күнүн» бэлиэтээтилэр появились сначала на Ulus.Media — все главные новости из районов Якутии.

Комментарии закрыты.