Саахымакка үрдүкү лига чемпионата саҕаланна

Республикатааҕы Дуобат-саахымат киинигэр үрдүкү лигаҕа дьахталларга уонна эр дьоҥҥо Саха Республикатн саахымакка 78-с чемпионата саҕаланна. Чемпионат, сотору кэминэн ыытыллар Дальнай Восток федеральнай уокуругар республика хамаандатын сүүмэрдиир сыаллаах. Чемпионакка, дьахталларга уонна эр дьоҥҥо 12-лии бастыҥ саахыматчыт кыттар. Кинилэр күрэхтэһии балаһыанньатын быһыытынан эргиир систиэмэтинэн оонньууллар.

 

 

Чемпионат үөрүүлээх аһыллыытыгар СР физическэй култуураҕа уонна маассабай спорка управлениетын начаалынньыга Альберт Мохов уонна СР саахымакка федерациятын вице-президенэ Николай Парников, чемпионат кылаабынай судьуйата Гаврил Винокуров саахыматчыттары эҕэрдэлээтилэр, ким үчүгэй бэлэмнээх, ким кыайыыга дьулуурдаах – ол кыайарыгар баҕардылар.

Бастакы туурга күүстээхтэринэн биллэр Дмитрий Егоров, Гумар Моисеев, Денис Назаров, Никита Пестряков, Руслан Пахомов, Арсений Чумаевскай кыайыыны ситистилэр. Манна эдэр оонньооччу Арсений Чумаевскай уопуттаах маастар Нариман Мустафины кыайыытын соһуччу түмүгүнэн ааҕыахха сөп.

Чемпионат дьэ ити курдук, бэрт сытыытык ыытылла турар уонна ахсынньы 19 күнүгэр түмүктэнэр.

Петр ПАВЛОВ.  

Добавить комментарий

Ваш адрес email не будет опубликован. Обязательные поля помечены *