“Сахаада-спорт” ассоциация бастыҥнара ааттаннылар

Спорт төрүт көрүҥнэригэр уонна Саха сирин норуоттарын оонньууларыгар “Сахаада-спорт” ассоциация 2019 сыл түмүгүнэн лауреаттара ааттаннылар. Кинилэргэ, Саха Республикатын Физическэй култуураҕа уонна спорка министиэристибэтин коллегиятын киэҥ ыҥырыылаах мунньаҕын кэмигэр өйдөбүнньүк ааттары: чемпион лиэнтэлэрин, кубоктары, дипломнары “Сахаада-спорт” ассоциация сэбиэтин бэрэссэдээтэлэ Александр Николаевич Ким – Кимэн туттарда.

 

Ол курдук, “Бастыҥ судьуйа” номинация лауреатынан – Манчаары аатынан спорт төрүт көрүҥнэригэр республикатааҕы киин инструктора Петр Валентинович Колодезников, “Бастыҥ үлэлээх улуустааҕы федерациянан” – Үөһээ Дьааҥы улууһун хапсаҕайга федерацията, бэрэссэдээтэл Иван Васильевич Ноговицын, “Оҕо спордун бастыҥ тэрийээччи” – Манчаары  аатынан спорт төрүт көрүҥнэригэр республикатааҕы киин хапсаҕайга тренерэ Вячеслав Иванович Данилов, “Спорт төрүт көрүҥнэрин сайдыытыгар кылаатын иһин” – В.Н. Лебедев аатынан Кириэс Халдьаайытааҕы оҕо спортивнай оскуолатын мас-рестлиҥҥэ тренерэ Александр Егорович Харитонов, “Сыл бастыҥ спонсора” – “Якутскэнерго” тэрилтэ Нерюнгритааҕы отделениетын начаалынньыгын солбуйааччыта Роман Леонидович Олейник наҕараадаланнылар.

Петр ПАВЛОВ.

Ааптар хаартыскаҕа түһэриитэ.  

Добавить комментарий

Ваш адрес email не будет опубликован. Обязательные поля помечены *