Сайыҥҥы хоппуйа

Дьиэ кэргэн уонна алаһа дьиэ мэлдьи дьахтар кыһамньытыгар наадыйар. Дьиэ хотуна илиитинэн оҥорбут оҥоһуга ураты энергетикалаах буолан оҕолоругар, эригэр, төрөппүттэригэр үтүөтүк дьайар. Тоҕо диэтэххэ, дьахтар иистэнэр кэмигэр дууһатын ис туругун бу оҥоһукка иҥэрэр, дьиэтээҕилэрэ кини тикпит таҥаһын кэттэхтэринэ ону өйдүүллэр. Сурунаал бүгүҥҥү ыалдьыта Лариса Артемьева. Кини дьоллоох дьиэ кэргэн ийэтэ, иистэнньэҥ, көстүүм дизайнера:     

– Оҕо сылдьан ытыс саҕа кээмэйдээх «Пупс» куукулабар таҥас эгэлгэтин тигэр этим. Ол быыкаайык куукулам чымадаан муҥунан таҥастаах буолара. Эбэлээх ийэм иистэнэр буоланнар иннэлээх сап тутуурдаах улааппытым. Иистэнэрбин олус сөбүлүүбүн, үлэхтэри ылабын. Иистэниэм иннинэ үлэһээччини кытта билсэбин, кэпсэтэбин, оччоҕуна ииһим ордук сатанар. «Далбар Хотун» сурунаал ааҕааччыларыгар 46-с кээмэйдээх  күннээҕигэ да, дьоро киэһэҕэ да кэтэр былаачыйа киэбин биэрэбин. Сандал сааһы, самаан сайыны көрсө киэргэниэххэ, симэниэххэ!

Кыбытыы киэргэллээх иҥээһиннээх былаачыйа

Солко таҥас – 2,70 м.;

Кыбытыы – 2,50 м.;

Тимэх – 9 устуука;

Флизелин – 50 см.

Дэтээлгэ:

Көхсө – 1 дэт.;

Иннэ – 2 дэт.;

Хатыыр – 2 дэт.;

Сиэх – 2 дэт.;

Бэлэнньик – 4.;

Саҕа – 2 дэт.;

Саҕа туруору буоларын хааччыйар дэтээл – 2;

Дьууппа – 2 дэт. (икки 136*75 см көнө муннуктаах болотуна, иҥээһин икки арда 5 см., иҥээһин дириҥэ 10 см.)

Кур – 2 дэт.

Анна ПАВЛОВА-ТАРАБУКИНА

 

Добавить комментарий

Ваш адрес email не будет опубликован. Обязательные поля помечены *