Сунтаар оскуолаларыгар идэҕэ туһаайыы тэрээһиннэрэ буолла

Балаҕан ыйын 17-19 күннэригэр Сунтаар сэлиэнньэтин бары оскуолаларыгар идэни талыыга туһуламмыт тэрээһин буолла.  Барыта 200-тэн тахса оҕо хабылынна.


Сунтаардааҕы дьарыктаах буолуу киинэ уонна Л.Попов аатынан киин бибилэтиэкэ бииргэ үлэлэрин былаанынан Дьокуускай куораттан Саха Өрөспүүбүлүкэтин эдэр ыччат Сэбиэтин тренер-модератора Дьячковскай Василий Егорович уонна кылаабынай бибилэтиэкэр Алексеева Мария Леонидовна 9, 10, 11 кылаас оҕолоругар профориентационнай дьарык ыыттылар.

Оҕолор А.Е.Климов методикатынан «Инники профессияҕын тал» диэн тест толордулар. Маны сэргэ толорбут тестэрин түмүктэринэн ырытыы, ханнык идэ сөптөөҕүн талыыга бэсиэдэ оҥоһулунна. Үлэ түмүгүнэн кыттааччылар бэйэлэрин иннигэр туруорунар сыалларын, талан ылар идэлэригэр сөптөөх хайысханы тутуһалларыгар маннык тэрээһин төһүү күүс буолуо диэн эрэнэбит, — диэн кэпсээтэ Л.А.Попов аатынан киин бибилэтиэкэ үлэһитэ Мария Алексеева.

Ааптар: «Сунтаар сонуннара»

Сообщение Сунтаар оскуолаларыгар идэҕэ туһаайыы тэрээһиннэрэ буолла появились сначала на Ulus.Media — все главные новости из районов Якутии.

Комментарии закрыты.