ТАТАРСТАҤҤА САХА ПОЭЗИЯТЫН АНТОЛОГИЯТА КҮН СИРИН КӨРДӨ

Бу күннэргэ Саха сирин суруйааччыларын сойууһугар үөрүүлээх сурах кэллэ – Казань куоракка кинигэ кыһатыгар саха уонна татар бэйиэттэрэ доҕордоһууларын дьоһуннаах түмүгэ – саха поэзиятын антологията бэчээттэнэн таҕыста.

Саха бэйиэттэрин хоһооннорун татар тылыгар бэйиэттэр Ркаиль Зайдулла, Ленар Шаехов, Галимьян Гильманов, Рафис Курбан, Фируза Замалетдинова, Рузаль Мухаметшин, Луиза Янсуар, Лилия Гибадуллина, Ильгам Ногуманов, Гелюса Батталова, Рифат Салах и Фанир Гилязов тылбаастааатылар. Онон кинигэ икки тылынан, 1100 экземплярынан бэчээттэннэ.

Бу бырайыагы олоххо киллэрии туһунан норуот бэйиэттэрэ Ркаиль Зайдулла уонна Наталья Харлампьева тыл көтөхпүттэрэ. Оттон сүрүн үлэни бэйиэт, Татарстан кинигэ кыһатын кылаабынай эрэдээктэрэ Ленар Шаехов, бэйиэт, Саха сирин суруйааччыларын сойууһун бэрэссэдээтэлин солбуйааччы Гаврил Андросов, эрэдээктэрдэр Елена Слепцова-Куорсуннаах, Альбина Борисова уонна Рустам Каженкин оҥордулар.

Саха сирин сурйааччыларын сойууһа Россия атын регионнарын уонна атын дойду суруйааччыларын кытары маннык ыкса үлэни ыыппыта хаһыс да сыла буолла. Ол түмүгэр 2014 сыллаахха Варшава куоракка саха хоһоонноро польскай тылынан бэчээттэммиттэрэ, 2017 сыллаахха Саха сиригэр татар бэйиэттэрин хоһоонноро сахалыы тылынан тахсыбыттара.

Саха сирин суруйааччыларын сойууһа

Добавить комментарий

Ваш адрес email не будет опубликован. Обязательные поля помечены *