Төлөпүөнтэн бактыарыйаны хайдах ыраастыыбыт?

Коронавируснай инфекцияттан көмүскэнэргэ эспиэрдэр илиини, сирэйи элбэхтэ суунарга сүбэлииллэр. Оттон оптуобуска буоллун, дьиэҕэ буоллун түүннэри-күнүстэри туттар гаджеттарбытын – төлөпүөммүтүн, планшеппытын хайдах ыраастыыбыт? Бу туһунан сиһилии.


Учуонайдар бигэргэппиттэринэн, төлөпүөҥҥэ саамай элбэх микроб олорор. Гаджеты күннээҕи сууйар-сотор суурадаһынынан буолбакка, атын ньыманан ыраастыахха наада. Тоҕо?

Үгүс дьон төлөпүөнү испиирдээх суурадаһынынан, эбэтэр «влажнай» салпыакканан сотор. Маннык ньыма төлөпүөн сирэйин буортулуон сөп. Төлөпүөн сирэйэ киртэн, быылтан харыстыыр анал бүрүөһүннээх буолар. Оттон испиирдээх суурадаһын бу бүрүөһүнү буортулуур. Биллэр турар, төлөпүөн сирэйин бүрүөһүнэ кэминэн бэйэтэ эргэрэр, оттон испииринэн тутуннаххына түргэнник эргэрэр.

Ити оннугар,  исписэлиистэр төлөпүөнү мыылалаах ууга инчэтиллибит таҥаһынан сотору сүбэлииллэр. Ол эрэн, аһаҕас быыстарыгар-хайаҕастарыгар ууну киллэрбэт курдук, наһаа инчэҕэйинэн сотуо суохха наада. Ыраастыаҥ иннинэ, төлөпүөнү араараргын умнума.

Gazeta.ru матырыйаала туһанылынна.

Сообщение Төлөпүөнтэн бактыарыйаны хайдах ыраастыыбыт? появились сначала на Ulus.Media — все главные новости из районов Якутии.

Комментарии закрыты.