Уһук Илиҥҥэ 2% ипотека

Александра Копцева, юрист (de_yure_ykt)
Уһук Илиҥҥэ 2% ипотека баар буолла.
РФ бырабыытылыстыбатын 07.12.2019 чыыһылаттан №1609 уурааҕа.
Уһук Илиннээҕи ипотекаҕа киирсии усулуобуйата:
– Бу ипотекаҕа ким баҕалаах киирсиэн сөп, сүрүнэ РФ олохтооҕо, онтон атыылаһар дьиэҥ Уһук Илиҥҥэ баар буолуохтаах.
2% ипотека кыттааччытынан буолаллар:
– Эдэр кэргэнниилэр, иккиэннэрин саастара 35-тэн үөһэ буолуо суохтаах (35 саастаахтар киирсэллэр, оҕолоохторо, оҕото суохтара оруолу оонньообот);
– Толорута суох дьиэ кэргэн, кыччаабыта биир оҕолоох буолуохтаах (холобур, 35 диэри саастаах аҥардас ийэ);
– Уһук Илиҥҥэ гектардаах киһи (сааһа, дьиэ кэргэнэ, оҕото оруолу оонньообот).
Тугу атыылаһыахха сөбүй?
– Хайаан да юридическай сирэйтэн бэлэм эбэтэр тутулла турар дьиэттэн квартираны;
– Тыа сиригэр чааһынай дьиэ тутуутугар эбэтэр чааһынай киһиттэн дьиэ тутуутугар сир ылыахха сөп;
– Уһук Илин гектарыгар «ижс» эбэтэр «лпх» дьиэ тутуутугар (гектары бас билээччилэргэ сыһыаннаах).

Аан бастакы төлөбүр: 20% саҕалаан
Кредит муҥутуур сууммата: 6 мөлүйүөн
Муҥутуур болдьоҕо: 20 сыл
Быраһыана: 2%
Олоҕу уонна доруобуйаны страховкалыыртан аккаастанар түгэҥҥэр ипотека быраһыана 1% үрдүөн сөп.
Рефинансирование суох, кредит 01.12.2019 сылтан саҕалаан 31.12.2024 сылга диэри оҥоруллар.
Ирдэнэр докумуону бу программаҕа кыттар баантан ыйыталас. Ханнык банк бу программаҕа кыттарын Дом.РФ сайтка көр (билиҥҥи туругунан, испииһэк тахса илик).

Добавить комментарий

Ваш адрес email не будет опубликован. Обязательные поля помечены *