«УЛУУ АЙАННАР СУОЛЛАРЫНАН» БЫРАЙЫАК ЫЫРА ӨССӨ КЭҤЭЭТЭ

От ыйын 29 күнүгэр Саха Өрөспүүбүлүкэтин Уһук Илиҥҥи федеральнай уокурукка олохтоох бэрэстэбиитэлэ, биһиги биир дойдулаахпыт, «Улуу айаннар суолларынан» бырайыак ааптара Георгий Дмитриевич Никонов үтүөтүнэн үөскээбит «Улуу айаннар суолларынан. Нуучча саарыстыбатыттан Улуу Арассыыйа державатыгар диэри» диэн регионнар икки ардыларынааҕы экспедиция айаҥҥа турунна.

Бу туһунан СӨ Ил Дархана Айсен Николаев социальнай ситимнэргэ иһитиннэрдэ:

– Бастакы түһүмэх Кострома, Вологодскай, Архангельскай уобаластарынан Коми Өрөспүүбүлүкэтигэр тиийиэҕэ уонна Ямал-Ненец автономнай уокурук Салехард куоратыгар түмүктүөҕэ. Оттон аныгыскы түһүмэх 2021 сыллаахха Саха сирэ, Чукотка, Камчатка уонна Магадан уобаластарын сирдэринэн барара былааннанар. Онно өрөспүүбүлүкэ учуонайдара, кыраайы үөрэтээччилэрэ, кинематографистара, суруйааччылара уонна суруналыыстара кыттыахтара. Саха сирин олохтоохторо бу интэриэһинэй бырайыагы кэрэхсиэхтэрэ, өйүөхтэрэ дии саныыбын.

«Чолбон» сурунаал «Улуу айаннар суолларынан» бырайыак партнера буоларынан саҥа экспедиция үлэтигэр ситиһиилэри баҕарар.

Добавить комментарий

Ваш адрес email не будет опубликован. Обязательные поля помечены *