Усуйаана уһулуччу уолаттара СӨ бырабыыталыстыбатын наҕараадатынан бэлиэтэннилэр

Усуйаана улууһун баһылыгын сылы түмүктүүр сүбэ мунньаҕар тыа хаһаайыстыбатын управлениетын салайааччытыгар Мүлүүтүн Артем Артемовичка уонна суол оҥоруунан дьарыктанар урбаанньыкка Кырбаһааҥкын Өлөксөй Мэхээлэйэбискэ Саха сирин бырабыыталыстыбатын бэрэссэдээтэлэ Владимир Солодов илии баттааһыннаах үрдүк наҕараадалары туттарбыттара.


Артем Артемович бочуотунай кыраамата, оттон Алексей Михайлович махтал сурук улуус баһылыга Георгий Николаевич Федоров илиититтэн ылбыттара.

Кинилэр Усуйаана улууһун социальнай-экономическай сайдыытыгар кырата суох кылааты киллэрбиттэрэ, инникитин улуус сайдарыгар үлэлэһиэхтэрэ турдаҕа. Усуйаана улууһун тыатын хаһаайыстыбата өрөспүүбүлүкэ үрдүнэн бастыҥнар кэккэлэригэр киирбитигэр Артем Мүлүүтүн элбэхтик сүүрэр-көтөр, сыратын-сылбатын биэрэр. Онтон Алексей Кырбаһааҥкын хотугу сир силлиэтин-буурҕатын аахсыбакка Усуйаана суоллара туруктаах буоларыгар күүһүн-күдэҕин харыстаабакка уурар. Уолаттар билигин да кыах баарынан үлэлии-хамсыы сылдьаллар.

Ааптар: Иван АНДРЕЕВ.

Сообщение Усуйаана уһулуччу уолаттара СӨ бырабыыталыстыбатын наҕараадатынан бэлиэтэннилэр появились сначала на Ulus.Media — все главные новости из районов Якутии.

Комментарии закрыты.