Элгэс баһылыгын бирииһигэр тустууга уонна хапсаҕайга

Улуу Кыайыы 75 сылыгар анаан Үөһээ Дьааҥы улууһун Элгэс нэһилиэгин баһылыга В.П. Слепцов бирииһигэр көҥүл тустууга биирдиилээн уонна хамаанданан бастыыр иһин күрэхтэһии тохсунньу 17-19 күннэригэр төрдүс төгүлүн ыытылынна. Күрэхтэһиигэ улуус 10 оскуолатыттан барыта 83 эдэр бөҕөс күөн көрүстэ. Ол курдук, оҕолор – көҥүл тустууга саастарынан араарыллыбыт үс бөлөххө 11 ыйааһыҥҥа уонна хапсаҕайга 4 ыйааһыҥҥа күрэхтэстилэр.

 

Түмүккэ, 2011-2012 сс. төрөөбүттэр бөлөхтөрүгэр кыайыылаахтарынан буоллулар: 21 кг – Айгылан Потапов (Элгэс), 24 кг – Саша Слепцов (Баатаҕай), 26 кг – Кеша Бегишев (Сайдыы).

2009-2010 сс. төрөөбүттэргэ: 28 кг – Вова Слепцов (Элгэс), 32 кг – Афоня Аммосов (Баатаҕай).

2003-2008 сс. төрөөбүттэргэ: 35 кг – Миша Слепцов, 38 кг – Алексей Слепцов, 42 кг – Коля Слепцов (үһүөн — Сартаҥтан), 46 кг – Аркадий Аммосов (Верхоянскай), 50 кг – Иван Белолюбскай (Сартаҥ), 55 кг – Артур Слепцов (Верхоянскай).

Хамаанданан түмүккэ Элгэс бастаата, Сартаҥ иккис, Баатаҕай үһүс буоллулар.

Хапсаҕайга 2011-2012 сс. төрөөбүттэр 26 кг ыйааһыннарыгар Сайдыы оскуолатын иккис кылааһын үөрэнээччитэ Кеша Бегишев бастакы миэстэҕэ тахсан, смарт-чаһыынан наҕараадаланна. 2009-2010 сс. төрөөбүттэр 32 киилэҕэ күрэхтэһиилэригэр Баатаҕай оскуолатын төрдүс кылааһын үөрэнээччитэ Афоня Аммосов бастаан, мультиварка хаһаайынынан буолла. Ити курдук, 2003-2008 сс. төрөөбүттэр 42 кг ыйааһыҥҥа киирсиилэригэр Адыаччы тохсус кылааһын үөрэнээччитэ Айтал Ксенофонтов кыайыылааҕынан тахсан, пылесоһынан наҕараадаланна. Оттон 2003-2008 сс. төрөөбүттэр 55 кг ыйааһыҥҥа хапсаҕайдаабыттарыгар, Верхоянскай оскуолатын онус кылааһын үөрэнээччитэ Артур Слепцов кыайан, телевизор бирииһи тутан үөрдэ. Итини тэҥэ кыайыылаахтарга – кубоктар, мэтээллэр, грамоталар туттарылыннылар.

Сүрүн бириистэри Элгэс нэһилиэгин баһылыга Вячеслав Петрович Слепцов, оттон анал бириистэри урбаанньыттар В.Н. Попов, Е.Е. Стручков, Үөһээ Дьааҥы улууһун аҕаларын сэбиэтэ, В.В. Смолин, В.М. Иванов, Г.В. Потапов олохтоотулар.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *